रोमियो 1:1 - लाहौली बाइबिल

¹ गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 1:1 Iomraidhean Croise

मरकुसो 1:14

थोडे़ ध्याड़ो थल अपेहल यूहन्ना बि हेरोदेस रज्ज़ाज़ि जेलंङ केहच़ी च़रते, दंङ यीशु गलील प्रदेशो हखा अति दंङ मीहतु बिचंङ परमेश्वरो राज्यो पाहठी रूठे खबर रंड्री लेहती।

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 15:15

हेंतेग बे गेह केतिंङ परगर माह कोहग, छना कुचे परगर बि पता माह शुबी कि दोऊ मालिके छि लाह; पर गेह केतिंङ मित्र कुहतग, छना कुचे अंऊ गप्पा गेह घेंङौ पिता परमेश्वरो दोरच़ी रेड्रातग, दुह भत्तेर केतिंङ कंज़े च़रतग।

यहून्नो 15:20

हिद ताईन कि गेह केतंङ साते छि कुहतेग, परगर एनोह मालिका बे मोह्ड़े माह शुहबी, दोबि हिद तांई, अगर दोच़ी गिह्बी तंग लहतोर, ता केतिंङ ला तंग लोहर; अगर दोच़ी गिऊ शिक्षा मनेक्तिर, ता केहतु ला मनेक्पोर।

प्रेरित 13:9

दोथर शाऊले अतु मिन पोलुस ला शुह, पवित्र आत्मा रंङ परिपूर्ण शुहचे एलीमास जादूगर ओ हखा खंड्राते कुंई,

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 21:40

अपेहल दोरे शांत शुचि इलिर, दंङ दुह यहुदी मीहतु भाषा रिंङ कुट्री लेहती दंङ पोलुस पोड़ी ऊ टोईच़ी खड़े शुहचे मीहतु हखा गुह्ड़े इशारा लहरी। अपेहल दोरे चुपे शुहचे इलिर।

प्रेरित 22:21

दंङ प्रभु ज़ि गिऊ हखा कुई, अच़ा इला, छना कुचे गेह कनिंङ ऊईजाति मीहतु कछंङ ओईतार-ओईतार च़रपोग।”

प्रेरित 22:7

दंङ गेह धरतीऊ टोईच़ी दह्चे इलिगा: दंङ गेह दि सग रेड्रीगा, हे शाऊल, हे शाऊल, केई गिह्बी छिले दुख रंड्री लेह्की तोतोन?

प्रेरित 26:1

रज्ज़ा अग्रिप्पा ज़ि पोलुसरंङ साते कुतोह, “कनिंङ कनु बचावो थल्जी कुट्रिमी हुकुम तोह।” दिरंङ पोलुसे एनोह गुह्ट्र खेका लेह दोतिंङ चुपे बंङज़िमी इशारा रंड्री लेहती, दंङ एनोह बचावो थल्जी कुट्री शुरू लहरी।

प्रेरित 26:14

दंङ अपेहल ञेंरे भत्ते धरतीऊ टोईच़ी दह्चे इलि, दंङ गेह इब्रानी भाषा रिंङ, गेरंङ साते कुट्रा दि सग रेड्रीगा, हे शाऊल, हे शाऊल, केई गिह्बी छिल्ले तंग लहज़ातन? केई गिह्बी चोट रंड्रीमी कोशिशे केनाबि चोट रंड्रातन, छना इच्च़ा बंङ एनोह मालिको पैना ओ खिलाप लते केट्रा।

प्रेरित 27:23

छना कुचे अतु गेह शुगाह, दंङ अतु अराधना गेह लहज़ातग, परमेश्वरो स्वर्गदूते एरेग रातारिंङ गिऊ कछंङ अंज़े कुतोह,

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

रोमियो 1:16

छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 1:9

परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,

रोमियो 11:13

गेह केतंङ ऊईजातिंङ साते दि गप्पा कुट्रातग। अपेहल कि गेह ऊईजाति तु थल्जी प्रेरित शुगाह, दंङ गेह घेंङौ सेवकाई ओ टोहकठे घमण्ड लहज़ातग।

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

रोमियो 15:29

दंङ गेह ञेंच़ातग, कि अपेहल गेह केहतु कछंङ अपोग, दंङ दोऊ वहज़ा ज़ि मसीह भत्ते रीतिरंङ साते केतिंङ आशीष रमतो।

रोमियो 16:18

छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

1 कुरिन्थियों 1:1

गेह, पोलुस दि डाक च़ेहसी लेहकी तोतोग। गेह परमेश्वरो हिटी रंङ साते यीशु मसीहू प्रेरित शुहबी थल्जी अंङषी शुगाह। गेह देर हेंदु साथी विशवासी सोस्थिनेस रंङ साते तोतोग।

1 कुरिन्थियों 9:1

छिल्ला धिर गेह लहज़ी जुंज़ातग, दुह लहज़िमी थल्जी गेह आज़ाद तोतोग, गेह प्रेरित शुगाह, गेह हेंदु प्रभु यीशु बि तंङातेग, केरे प्रभु रिंङ लहसी गिऊ सेवा ऊ नतीज़ा शुईं।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

2 कुरिन्थियों 11:5

गेह ता समझेक्च़ातग, कि गेह धोंण ए रूठे तोतोग अंयों कि अंऊ दोच़ी झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 11:7

गेह केहतु बिचंङ परमेश्वरो रूठे खबर मुफ्ता रिंङ प्रचार लहज़ा घेंङा बि नम्र लहरिगा ताकि केहतु आदर शुहबी जूंस। छि गेह झांह लहच़ी छा पाप लाहतगा।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 2:12

अपेहल गेह त्रोआस शहरा रिंङ मसीहू रूठे खबरो प्रचार लहज़ी अति, दंङ दोहर परमेश्वरे गिह्बी रूठे खबर प्रचार लहज़िमी मोह्ड़े मोका प्रदान लहरी।

2 कुरिन्थियों 4:5

छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

गलातियों 1:1

गेह, पोलुस, केतिंङ दि डाक च़ेहच़ी लेहकी तोतोग। गेह इच्च़ा प्रेरित शुगाह, गेह माह अरिया मीहू दोरच़ी प्रेरित बणेंके शुगाह, पर यीशु मसीह ए परमेश्वर बाह ओ दोरच़ी, अंङषी शुगाह, अच़ि यीशु बि सिऊ दोतु बिचंङ ज़ि श्रींङमी लहसी शुह।

इफिसियों 1:1

गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।

इफिसियों 1:13

अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।

इफिसियों 4:11

दि मसीह तोहई अच़ि दि ज़िम्मेवारी कलीसिया बि रेंई: दोई रेह तिंङ प्रेरित शुहबिमी थल्जी अंङे च़रति दंङ रेह तिंङ भविष्यवक्ता बणेषिमी थल्जी, दंङ रेह तिंङ रूठे खबर सुनाएच़िमी थल्जी, दंङ रेह तिंङ रखवाली लहज़िमी थल्जी दंङ रेह तिंङ सिखाच़िमी थल्जी अंङे च़रतिर।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

फिलिपियों 2:11

दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

कुलुस्सियों 1:1

गेह पोलुस, गिऊ साथी विशवासी तीमुथियुस तरफे दि डाक चेहच़ातग। गेह परमेश्वरो हिटी रंङ यीशु मसीहू प्रेरित शुगाह।

कुलुस्सियों 1:25

परमेश्वरे गिह्बी दिऊ थल्जी अंङषी शुह कि दोऊ बचन रूठे रंङ सिखाएपोग दंङ दोऊ थल्जी गेह कलीसियाओ सेवक बणेंके इलिग।

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

1 थिस्सलुनीकियों 2:8

ञेंरे केतंङ साते धोंण दाह लहज़ातंई कि सिर्फ परमेश्वरो रूठे खबर सुनाएच़िमी थल्जी ए मशत पर केहतु थल्जी हेंदु जाहन ला रंड्रीमी थल्जी तेयार तोईनी, झांह लेह कि ञेंरे केतंङ साते महस दाह लहज़ातंई।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 तीमुथियुस 1:1

गेह पोलुस अंऊ हेंदु उद्धारकर्ता परमेश्वर ए यीशु मसीह, अतु टोहकठे हेंज़ी उम्मीद तहज़ातंई, दोऊ अधिकारो दोरच़ी यीशु मसीहू इच्च़ा प्रेरित शुगाह,

1 तीमुथियुस 2:7

दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

2 तीमुथियुस 1:11

परमेश्वर गिह्बी दि रूठे खबरो प्रचारो लहज़िमी थल्जी, प्रेरित बणेक्पिमी थल्जी दंङ गेह ऊई जातिऊ मीहतिंङ उपदेश रंड्रीमी थल्जी अंङे चरच़तो।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

इब्रानियों 5:4

अरिला मीह एनेह मोह्ड़े पुरोहित शुहबिमी आदर लेहपच़ी मरच़ि। छना ठ्रोह परमेश्वरे तुहई हारूना बि मोह्ड़े पुरोहितो रूपा रिंङ बुलाकाते ए अंङे च़रते, ध्वांए ठ्रोह दोई मोह्ड़े पुरोहित बुलाचा ए अंङे च़रच़ा।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

याकूब 1:1

गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

1 पतरस 4:17

हेंतेग दि परमेश्वरो टेम तोह कि दू मीहतु न्याय लहज़ी शुरू लोहतो। भत्ते बे तुहई दू हेंदु विशवासी तु न्याय लोहतो, झांह लेह दू भयानक चीज़ा तु पाहठी सोचेक्तुंई अंऊ दू मीहतंङ साते शोतो, अंऊ परमेश्वरो रूठे खबर माह मनेक्च़ातेर।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”

प्रकाशित वाक्य 22:9

पर दोई गेरंङ साते कुई, “खंणु, झांह ठ्रोह थालोहू; छना कुचे गेह कांह ए कनु न्वा ओ भविष्यवक्तातु ए दि कताबो गप्पारे मनेक्च़िमी दोतु संगी दास शुगाह। परमेश्वरो ए अराधना लोह।”