प्रकाशित वाक्य 9:2 - लाहौली बाइबिल

² दोई दुह अधोलोक (गड्डा) युप्ति, दंङ दुह गड्डा ओ दोरच़ी मोह्ड़े भट्टी ठ्रोह टूह हुंच़िरी, दंङ दुह गड्डा ओ टूह रंङ साते ऐके ए लन्न हंयार शुहचे इलि।

प्रकाशित वाक्य 9:2 Iomraidhean Croise

प्रेरित 2:19

दंङ गेह खेका सर्गंङ हेरानी ऊ कम ए योंङ धरती रिंङ चिन्ह चमत्कार, मतलब शुहई, मेह ए टुहऊ बदड़ कमोग।

प्रकाशित वाक्य 14:11

मेहू दोरच़ी हुंच़ा टूह अंऊ दोतिंङ तंग लहज़ा दुह हमेशा हुंच़ा। रात-दिन दोतु तंग लहज़ी बंद माह शवाह, छना कुचे दोच़ी घ्वंण ए दोऊ मुर्तिऊ पूजा लहज़ातेर, दोच़ी दुह घ्वंणो मिनतु छाप लेहप्तिर।

प्रकाशित वाक्य 16:10

पांचवां स्वर्गदूते अंऊ दोऊ कोली रिंङ तोहई दुह घ्वंणो सिंहासनो टोईच़ी थोरच़ी च़रति। दंङ दुह राज अंऊ दोऊ टोईच़ी घ्वंणे राज लहज़ाते हंयार शुहचे इलि। मीहरे एनोह लेह ट्रिक्शी लेहतिर छना कुचे दोरे दुह टेहषी बि ए फोह्ल ज़ख्मा तिंङ सहन लेह मरच़ातेर अंऊ दोच़ी महसूस लहज़ातेर।

प्रकाशित वाक्य 8:12

चौथा स्वर्गदूते तुरहीबि फुह लहरी, दंङ ऐकेऊ इच्च़ा तिहाई हिस्सा, दंङ लच़ंङो इच्च़ा तिहाई, दंङ करज़े तु इच्च़ा तिहाई हिस्सा ओ टोईच़ी मुसीबत अति, दंङ नाश शुहचे इलि, अतु वहज़ा ज़ि निरो इच्च़ा तिहाई हिस्सा हंयार शुहचे इलि दंङ लचंङ ए कर रातो इच्च़ा तिहाई टेम ला चमकेपी माह।

प्रकाशित वाक्य 9:1

अपेहल पांचवां स्वर्गदूते तुरही रिंङ फुह लहरी, दंङ गेह स्वर्गो दोरच़ी धरती रिंङ इच्च़ा कर दह्पी तंङरिगा, दंङ दि कर बि दुह कुंजी रें च़रति अंऊ दुह अधोलोक (गड्डा) बि युप्शे तरपोतो अतु गहराई ओ छल्ले अंत माह।

प्रकाशित वाक्य 9:11

इच्च़ा रज्ज़ा तोहई अंऊ दोतिंङ वशारिंङ लहज़ा। दुह ए दूत शेतानो दूत तोह अच़ि अधोलोको युप्शाते इब्रानी भाषा रिंङ दोऊ मिन अबद्धोन तोह, दंङ युनानी भाषा रिंङ, अपुल्लयोन तोह, अतु मतलब तोह, अंऊ दोई नाश लहज़ा।

प्रकाशित वाक्य 9:17

दुह रहंङ ए दोतु सवार अंऊ दोतिंङ गेह दर्शन रिंङ खंईगा, दोरे झांह ठ्रोह तंङफातेर: दोतु काह्ओ रखवाली लहज़ा कवच शुहई ओ बराबर षेह्ई, महस तिंङीं ए गन्धको ठ्रोह लेहई तोहई। रंङों पुंज़ा ब्राघो पुंज़ो बराबर षेह्ई तोईरे, दोतु आहच़ि मेह, टूह ए गन्धक हुंच़ा ते।