प्रकाशित वाक्य 9:17 - लाहौली बाइबिल

¹⁷ दुह रहंङ ए दोतु सवार अंऊ दोतिंङ गेह दर्शन रिंङ खंईगा, दोरे झांह ठ्रोह तंङफातेर: दोतु काह्ओ रखवाली लहज़ा कवच शुहई ओ बराबर षेह्ई, महस तिंङीं ए गन्धको ठ्रोह लेहई तोहई। रंङों पुंज़ा ब्राघो पुंज़ो बराबर षेह्ई तोईरे, दोतु आहच़ि मेह, टूह ए गन्धक हुंच़ा ते।

प्रकाशित वाक्य 9:17 Iomraidhean Croise

प्रकाशित वाक्य 11:5

दंङ अरिया दोतिंङ नुकसान पिट्री जुंज़ा, दंङ दोतु आहच़ि मेह हुंच़ा दोतु बैरी भस्म लेह केट्रा, दंङ अगर अरिया दोतिंङ नुकसान पिट्री जुंज़ा, दंङ हेले ए झांह ठ्रोह सच़ी च़रपोर।

प्रकाशित वाक्य 14:10

दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 21:20

पांचवीं गोमेद्को, छठवीं माणिक्य, सातवीं पितमणि ओ, आठवीं पेरोजो, नवीं पुखराजो, दसवीं लहसनिए ओ, ग्यारहवीं धूम्रकान्तो दंङ बारहवीं याकुतो तोहई।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 9:18

दि षुमु ला मुसीबता ज़ि, अंऊ कि रहंङों आहच़ि हुंच़ा मेह, टूह ए गन्धक तोहई, भत्ते मीहतु बिचंङ इच्च़ा तिहाई बि सच़ी च़रति।

प्रकाशित वाक्य 9:9

एनोह काह् रिंङ दोच़ी निह्लामो बणेषी इच्च़ा कवच़ लेहसी तरेर। अपेहल दोरे फंज़ातेर, दंङ दोरे झांह ठ्रोह सग लहज़ातेर छना महसे रहंङ लड़ाई रिंङ इलज़ा रथ बि शोकिह शिलज़ा मुक्का लहज़ातोर।