प्रकाशित वाक्य 9:1 - लाहौली बाइबिल

¹ अपेहल पांचवां स्वर्गदूते तुरही रिंङ फुह लहरी, दंङ गेह स्वर्गो दोरच़ी धरती रिंङ इच्च़ा कर दह्पी तंङरिगा, दंङ दि कर बि दुह कुंजी रें च़रति अंऊ दुह अधोलोक (गड्डा) बि युप्शे तरपोतो अतु गहराई ओ छल्ले अंत माह।

प्रकाशित वाक्य 9:1 Iomraidhean Croise

लूको 10:18

यीशुज़ि दोतंङ साते कुंई, “अपेहल मांजी आत्माज़ि केहतु गप्पा मनेक्ती, ता गेह अचानक शेतानाबि यरच़ा बिजलिऊ ठ्रोह सर्गंङच़ि दह्च़ी तंङातग।

लूको 8:31

दोच़ी बिनती लहरीर कि, “ञेंतिंङ नरकंङ थाह चर्तु।”

रोमियो 10:7

या अधोलोकंङ अरि तकसोतो? मतलब मसीह बि सिऊ दोरच़ी श्रींङमी लहज़ी ते खेका हपिमी थल्जी!”

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 1:20

हेंतेग गेह कमोग कि गिऊ सुचंङ गुहड़रिंङ निह्ज करज़े तु छि मतलब तोह दंङ ज़ङों निह्ज दिवटो छि मतलब शुह। दिऊ मतलब दि तोह: निह्ज कर दुह स्वर्गदूता तु पाहठी कंड्रातोर अंऊ दोच़ी निह्ज कलीसिया ओ रखवाली लहज़ातोर दंङ निह्ज ज़ङों दिवट निह्ज कलीसिया बि कंड्रातोर।

प्रकाशित वाक्य 11:7

अपेहल झुह्ट गवाह परमेश्वरो खबरो प्रचार लेह केओर, दंङ दुह मदम घ्वंण अंऊ अधोलोकंङ ज़ि हुंचोतो, दू, दुह झुल्ला मीहतंङ साते तेंङपोतो, दोतिंङ याहरषे च़रपोतो दंङ सच़ी च़रपोतो।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 20:1

दंङ गेह इच्च़ा स्वर्गदूता बि स्वर्गंङ ज़ि तक्सी तंङरिगा; अतु गुह्ट्र रिंङ महस डुह्गे कुण्ड़ या अधोलोको कुंज़ी, ए इच्च़ा मोह्ड़े जंज़ीर तोहई।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 6:13

सर्गो कर धरतीऊ टोईच़ी झांह ठ्रोह द्चिह इलिर छना अंजीरो बुटो दोरच़ी कजे फल द्चिह यवातोर।

प्रकाशित वाक्य 8:10

तीसरा स्वर्गदूते तीसरी तुरहीबि फुह लहरी, दंङ मशालो बराबर मेह हुंच़ाते इच्च़ा मोह्ड़े कर, स्वर्गंङ ज़ि दहचे इलि, झांह लेह बेंडी तु इच्च़ा तिहाई हिस्सा ओ टोईच़ी ए दंङ तिऊ सोतो टोईच़ी दहचे इलि।

प्रकाशित वाक्य 8:12

चौथा स्वर्गदूते तुरहीबि फुह लहरी, दंङ ऐकेऊ इच्च़ा तिहाई हिस्सा, दंङ लच़ंङो इच्च़ा तिहाई, दंङ करज़े तु इच्च़ा तिहाई हिस्सा ओ टोईच़ी मुसीबत अति, दंङ नाश शुहचे इलि, अतु वहज़ा ज़ि निरो इच्च़ा तिहाई हिस्सा हंयार शुहचे इलि दंङ लचंङ ए कर रातो इच्च़ा तिहाई टेम ला चमकेपी माह।

प्रकाशित वाक्य 8:2

दंङ गेह दुह निह्ज़ी स्वर्गदूता तिंङ दोहथर निह्जो स्वर्गदूतार परमेश्वरो तुईज़ी खड़े बंङज़ातोर, खंईरे, दंङ दोतिंङ षुमु तुरही रें च़रतिर।

प्रकाशित वाक्य 9:2

दोई दुह अधोलोक (गड्डा) युप्ति, दंङ दुह गड्डा ओ दोरच़ी मोह्ड़े भट्टी ठ्रोह टूह हुंच़िरी, दंङ दुह गड्डा ओ टूह रंङ साते ऐके ए लन्न हंयार शुहचे इलि।