प्रकाशित वाक्य 8:8 - लाहौली बाइबिल

⁸ दूसरा स्वर्गदूते तुरहीबि फुह लहरी, दंङ इच्च़ा मेहू ठ्रोह मोह्ड़े गोह समुंद्रारिंङ केहच़ी केहरी; झांह लेह समुंद्रो इच्च़ा तिहाई हिस्सा शुई शुहचे इलि,

प्रकाशित वाक्य 8:8 Iomraidhean Croise

मरकुसो 11:23

गेह केतंङ साते हेले-हेले कुट्रातग कि अरीला दीह गोह रंङ साते कोतो, ‘का बोनज़ी इला, दंङ समुन्द्रङ अच़ा इला,’ दंङ एनोह सेहमा रिंङ छिल्ला शक माहलोहतो, दंङ विशवास लोहु कि छि दोई कुट्रा दुह शुहचे योतो दंङ दोऊ थल्जी दुए शोतो।

प्रकाशित वाक्य 11:6

परमेश्वरे दोतिंङ खबर रंड्रीमी मुक्का सर्गंङ ज़ि संदाण माह अपिमी अधिकार रांहषी ततो। दोच़ी ती बि शुहई ठ्रोह षेह्ई रंगा रिंङ लेक्सा ए धरतीऊ टोईच़ी भत्ते पाहठी मुसीबतो टोईच़ी चोट रंड्रीमी अधिकार खोकसा तोह। दोरे अंयों फेरा जुंज़ातोर धोंण फेरा झांह लेह तरपोर।

प्रकाशित वाक्य 12:4

दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 8:7

मुण्डो स्वर्गदूते तुरही फुह लहरी, दंङ ध्वांए शुहई रंङ साते च्वसी मुघ ए मेह धरतीऊ टोईच़ी केहच़ी च़रति। झांह लेह धरतीऊ इच्च़ा तिहाई हिस्सा रोह्षा इलि, दंङ इच्च़ा तिहाई बुटर रोह्षा इलिर, दंङ भत्ते तिंङीं श्रांङ ला रोह्षा इलि।

प्रकाशित वाक्य 9:15

झांह लेह दोहथर दोरे पिला शेतानो दूतार युप्शी च़रतिर। दोरे तुहई बेहच़ी तेयार तोईरे दंङ दोतिंङ कुहषी तोहई कि दि मुक्का, दि ध्याड़ा, दि लाहरिंङ दि सालो थल्जी रुमज़ा तोईनी दंङ हेंतेग दुह टेम पिच़ि इलज़ा। दोतिंङ संसारो इच्च़ा हिस्सा ओ मीहरे सच़ी केट्रिमी तोईरे।

प्रकाशित वाक्य 9:18

दि षुमु ला मुसीबता ज़ि, अंऊ कि रहंङों आहच़ि हुंच़ा मेह, टूह ए गन्धक तोहई, भत्ते मीहतु बिचंङ इच्च़ा तिहाई बि सच़ी च़रति।