प्रकाशित वाक्य 8:7 - लाहौली बाइबिल

⁷ मुण्डो स्वर्गदूते तुरही फुह लहरी, दंङ ध्वांए शुहई रंङ साते च्वसी मुघ ए मेह धरतीऊ टोईच़ी केहच़ी च़रति। झांह लेह धरतीऊ इच्च़ा तिहाई हिस्सा रोह्षा इलि, दंङ इच्च़ा तिहाई बुटर रोह्षा इलिर, दंङ भत्ते तिंङीं श्रांङ ला रोह्षा इलि।

प्रकाशित वाक्य 8:7 Iomraidhean Croise

याकूब 1:11

ऐके ज़िरसा ए महस ठ्रोत लेहके यवाह दंङ श्रांङ कारपि लेह केट्रा, दंङ दोऊ उड़ द्चिह य्वात, दंङ दोऊ सलटे अच़ा यवात; ध्वांए साहुकार ला एनोह कमो दोरच़ी योह्सा योतो।

1 पतरस 1:24

पवित्र शास्त्रे दि कुट्रा, “भत्ते मीहरे श्रांङों बराबर तोतोर दंङ दोतु शोभा बंणो ऊड्रो ठ्रोह तोह। श्रांङ करचे योतो दंङ ऊड्रा धरती ऊ टोईच़ी दह्चे योतो।”

प्रकाशित वाक्य 12:4

दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 16:2

दिऊ थल्जी पहला स्वर्गदूते अंऊ कोलीरिंङ तोहई दोबि धरतीऊ टोईच़ी फुचंङ लेह च़रति। अंऊ दोऊ कोलीरिंङ तोहई। दंङ दुह मीहतिंङ अंऊ दोतु टोईच़ी घ्वंणो छाप तोहई या अंऊ दोच़ी दोऊ मुर्ति ऊ पूजा लहज़ातेर, दुह मीहतु टोईच़ी टेहषी ए बेह्द अंज़े फोह्ल हुंच़िरी।

प्रकाशित वाक्य 16:21

दंङ सर्गो दोरच़ी मीहतु टोईच़ी मोह्ड़े-मोह्ड़े ओले दहरिर, अंऊर हर इच्च़ा ओला ओ वजन लगभग निंजो सा (50) किलोग्राम तोहई। दोच़ी परमेश्वरो निन्दा लहरिर छना कुचे दोतिंङ परमेश्वरो दोरच़ी चरच़ि मुसीबतो दोरच़ी महस दुख सहन लहज़ी लेहती।

प्रकाशित वाक्य 6:8

दोहपल गेह इच्च़ा लेहई रंगो रहंङ तंङरिगा, दंङ अंऊ दोऊ टोईच़ी सवार तोहई दोऊ मिन मौत तोहई; दंङ अधोलोक दोऊ थलेच़ि, थलेच़ि तोह। दोबि धरतीऊ टोईच़ी बंङज़ा हर इच्च़ा पि मीहतु बिचंङ इच्च़ा बि सच़िमी अधिकार रें च़रति। कि दोतिंङ तलवारे, योंष रें, मदम-मदम बीमारी रें सच़ी च़रतु, दंङ दोच़ी दोतिंङ बंणो घ्वंणर दोरच़ी ला सच़ी च़रतिर।

प्रकाशित वाक्य 7:1

दोऊ थल, गेह पि स्वर्गदूता तिंङ संसारो पिला हासी कुंणी रिंङ खड़े तंङरिगा। दुह स्वर्गदूता तिंङ संसारा बि दुख रंड्रीमी थल्जी परमेश्वरो दोरच़ी अधिकार रांहषी तोहई, चाहे दुह समुंद्रंङ शुह या धरती ऊ टोईच़ी। दोच़ी संसारो पिला कुंणी ऊ दोरच़ी लहन रोक्केच़ा तोईरे, ताकि समुंद्रो अंदरेग शुह या धरतीऊ टोईच़ी दंङ बणारिंङ लन्न अपि माह जूंस। गेह अई इच्च़ा स्वर्गदूता बि पूर्व दिशा रिंङ प्रगट शुहबी तंङरिगा। दोऊ कछंङ श्रींङी परमेश्वरो इच्च़ा मुहर तोहई। दुह स्वर्गदूते मोह्ड़े सग रे दुह पि स्वर्गदूता तिंङ हाऊष रें दंङ कुई,

प्रकाशित वाक्य 9:15

झांह लेह दोहथर दोरे पिला शेतानो दूतार युप्शी च़रतिर। दोरे तुहई बेहच़ी तेयार तोईरे दंङ दोतिंङ कुहषी तोहई कि दि मुक्का, दि ध्याड़ा, दि लाहरिंङ दि सालो थल्जी रुमज़ा तोईनी दंङ हेंतेग दुह टेम पिच़ि इलज़ा। दोतिंङ संसारो इच्च़ा हिस्सा ओ मीहरे सच़ी केट्रिमी तोईरे।

प्रकाशित वाक्य 9:18

दि षुमु ला मुसीबता ज़ि, अंऊ कि रहंङों आहच़ि हुंच़ा मेह, टूह ए गन्धक तोहई, भत्ते मीहतु बिचंङ इच्च़ा तिहाई बि सच़ी च़रति।

प्रकाशित वाक्य 9:4

छना अतिंङ आ बिच्छु डंक रंङ साते टेहषी शवाह, ध्वांए दि टिटातिंङ ङा लाह तचेक दुह मीहतिंङ नुकसान लहज़िमी हुकुम रें च़रति, अतु फ्याह ओ टोईच़ी परमेश्वरो मोहर निशान माह तोहई। पर दोतंङ साते कुहषी तोहई दोतिंङ माह ता धरतीऊ श्रांङ, माह ए अंऊ आ ब्रनज़ेर, दंङ माह ए अंऊ आ बुटा बि नुकसान लहज़ी तोहई।