प्रकाशित वाक्य 8:5 - लाहौली बाइबिल

⁵ दोहथर स्वर्गदूते धूप कुरच़ा ते दोहरिंङ वेदीऊ टोईच़ी मेह पिंङी च़रतिर, दंङ धरतीऊ टोईच़ी केहच़ी केई, दंङ गर्जन ओ सग ए बिजली ए भुयंल शुहबी लेहती।

प्रकाशित वाक्य 8:5 Iomraidhean Croise

मत्ती 24:7

छना कुचे इच्च़ा जाति मीहरे ऊईजातिऊ मीहतु खिलाप शोर दंङ इच्च़ा देश ऊई देशो खिलाप शोर, दंङ अकाल शोतो ए भुयंल अपोतो।

लूको 12:49

“गेह धरतीऊ टोईच़ी मेह तुप्च़िमी थल्जी अंज़े शुगाह; दंङ गेह सिर्फ दिह पेट्रातोग कि दिह हेंतेग ए रोहष्रा योतो।

प्रेरित 16:26

दिरंङ इच्च़ा मोह्ड़े भुयंल शुई, देहर तचेक कि जेलो मुयांद त्रुलजी लेहती, दंङ ध्वांए भत्ते पेतंङ अलसा इलिर; दंङ भत्ते तु षंङणी युप्सा इलि।

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

प्रकाशित वाक्य 11:13

दंङ दुह ए मुक्का यरूशलेम शहरा रिंङ इच्च़ा मोह्ड़े भुयंल इलि, दंङ शहरो इमारतो दसवां हिस्सा द्चिह इलि; दंङ दुह भुयंलरिङ निह्ज हज़ार मीहरे सिए इलिर, दंङ अंऊ मीहरे बचेकी इलिर, दोरे वेवा ते क्रपि लेहतिर दंङ दुह मोह्ड़े परमेश्वरो महिमा लहज़ी लेहतिर अंऊ सर्गंङ तोहई।

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 4:5

दुह सिंहासनो बिचंङ बिजलिऊ गर्जन हुंच़ा दंङ सिंहासनो तुईज़ी मेहू निह्ज संजवा लेहकी तोतोर, दोरे परमेश्वरो निह्ज आत्मा शुरे,

प्रकाशित वाक्य 6:12

अपेहल कुरच़े छठवीं मुहर युप्ति, दंङ गेह खंईगा कि इच्च़ा मोह्ड़े भुयंल शुई; ऐके ओ रंग तुंगी रोहकी कम्बलो ठ्रोह रोहकी शुहचे इलि दंङ पूरा लचंङ शुहई ओ ठ्रोह षेह्ई शुहचे इलि।

प्रकाशित वाक्य 8:3

दोरच़ी, अई इच्च़ा स्वर्गदूत अति दंङ वेदी ऊ कछंङ खड़े शुहचे इलि। दुह स्वर्गदूते धूप जलाच़िमी थल्जी ज़ङों कोली कुरच़ा दंङ दोबि परमेश्वरो भत्ते पवित्र मीहतु प्रार्थना रंङ साते जलाएच़िमी थल्जी महसे धूप रें च़रति। दोई धूप ए प्रार्थना बि दुह ज़ङों वेदी ओ टोईच़ी फरच़े च़रति, अंऊ परमेश्वरो सिंहासनो तुईज़ी तोहई।