प्रकाशित वाक्य 8:3 - लाहौली बाइबिल

³ दोरच़ी, अई इच्च़ा स्वर्गदूत अति दंङ वेदी ऊ कछंङ खड़े शुहचे इलि। दुह स्वर्गदूते धूप जलाच़िमी थल्जी ज़ङों कोली कुरच़ा दंङ दोबि परमेश्वरो भत्ते पवित्र मीहतु प्रार्थना रंङ साते जलाएच़िमी थल्जी महसे धूप रें च़रति। दोई धूप ए प्रार्थना बि दुह ज़ङों वेदी ओ टोईच़ी फरच़े च़रति, अंऊ परमेश्वरो सिंहासनो तुईज़ी तोहई।

प्रकाशित वाक्य 8:3 Iomraidhean Croise

लूको 1:10

धूप तुप्च़िमी मुक्का मीहतु भत्ते मंडली यहुदी मंदिरो ल्वाड़िंङ प्रार्थना लहज़ी लेहकी तोहई।

रोमियो 8:34

अच़िला हेंदु निन्दा लेह मरपोतो छना कुचे दू यीशु मसीह तोह, अंऊ हेंदु थल्जी सिए इलि, दंङ सिए दोतु बिचंङ ज़ि श्रींङमी लहरी हेंतेग परमेश्वरो सुचंङ हासी तोह, दंङ हेंदु थल्जी बिनती लहज़ा।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

इब्रानियों 9:4

दि कमरारिंङ इच्च़ा ज़ङों वेदी तोहई, अतु इस्तेमाल धूप जलाच़िमी थल्जी शवाते। दंङ दोर्तिंङ इच्च़ा बक्सा ला तोहई अंऊ तोंङ ए धकते ज़ङों ए तोहई। दू बक्सो बि वाईदा बक्सा कुट्रातेर। बक्सो अंदरेग षुमु चीज़ारे तोईरे। भत्ते बे मुण्डा इच्च़ा ज़ङों नंदे तोहई अंऊर इच्च़ा खास बगत तोहई अपि “मन्ना” कुट्रातेर। देर्तिंङ हारूनो लट्टी ला तोहई, दंङ अंकुरित लपतेर ला तोईरे, अतु टोईच़ी परमेश्वरे दू सा हुकुम च़ेहसी तहरे, अंऊ दोई मूसा बि रंदे।

प्रकाशित वाक्य 10:1

दंङ गेह इच्च़ा ऊई शक्तिशाली स्वर्गदूताबि इच्च़ा डुह चोकसा ते सर्गंङ ज़ि तक्सी खंईगा; दंङ दोऊ पुंज़ो पिला हासी इच्च़ा मुघतु धनुष तोह, दोऊ मोद ऐकेऊ ठ्रोह चमकेक्पाते दंङ दोऊ कोंज़ा मेहू थम्मो बराबर तोईरे;

प्रकाशित वाक्य 14:18

दोहथल अई इच्च़ा स्वर्गदूत अंऊ कि छठवां स्वर्गदूत तोह। दंङ अंऊ वेदी ओ टोईच़ी मेहू दोरच़ी धूप जलाच़िमी ज़िम्मेवारी निभाएच़ा। दोई हाऊष रें दुह स्वर्गदूतो हखा अतु दोर तेज जड़मो तोह, “धरतीऊ टोईच़ी दाखो गुच्छा मिन्ज़े इलजी तोह! दोतिंङ केनोह जड़मो रें ट्रिके च़रतु।”

प्रकाशित वाक्य 5:8

अंऊ मुक्का दोई कताब रैंज़ा शिली ता दुह पि ला प्राणी ए निह्जो पि सेंहणार दुह कुरच़ो तुईज़ी द्चिह इलिरे; दंङ हर इच्च़ा सेंहणा ज़ि इच्च़ा बेंज़ ए ज़ङों बणेषी कोली च़ुमसी ताहरेर। कोली धूपे पिंङषी तोहई अंऊ परमेश्वरो पवित्र मीहतु प्रार्थना बि कंड्रा।

प्रकाशित वाक्य 6:9

अपेहल कुरच़े पांचवीं मुहर युप्ति, दंङ गेह वेदी ऊ योंहने च़ि खंईगा, दोर दुह मीहतु आत्मा तोहई अंऊ सच़ी च़रसी तोईरे छना कुचे दोच़ी परमेश्वरो वचन प्रचार लहसी तरेर दोच़ी यीशु बि प्रभु कुचे गवाही रेंईर।

प्रकाशित वाक्य 8:4

दुह धूपो टूह पवित्र मीहतु प्रार्थना रंङ साते ठ्रोका शुहचे दुह वेदीऊ टोईच़ी अंऊर स्वर्गदूता ज़ि दोबि केहषी तरेर, परमेश्वरो कछंङ खेका हुंच़िरी।

प्रकाशित वाक्य 8:5

दोहथर स्वर्गदूते धूप कुरच़ा ते दोहरिंङ वेदीऊ टोईच़ी मेह पिंङी च़रतिर, दंङ धरतीऊ टोईच़ी केहच़ी केई, दंङ गर्जन ओ सग ए बिजली ए भुयंल शुहबी लेहती।

प्रकाशित वाक्य 9:13

दिऊ थल, छठवें स्वर्गदूते एनोह तुरहीरिङ फुह लहरी। अपेहल दोई दिबी फुह लहरी दंङ गेह परमेश्वरो तुईज़ी धूप जलाच़िमी ज़ङों वेदी ओ पिला कुंणी ऊ इच्च़ा सग रेड्रीगा,