प्रकाशित वाक्य 8:2 - लाहौली बाइबिल

² दंङ गेह दुह निह्ज़ी स्वर्गदूता तिंङ दोहथर निह्जो स्वर्गदूतार परमेश्वरो तुईज़ी खड़े बंङज़ातोर, खंईरे, दंङ दोतिंङ षुमु तुरही रें च़रतिर।

प्रकाशित वाक्य 8:2 Iomraidhean Croise

मत्ती 18:10

खांई, केहच़ी दिहरे क्वाच़ी तु बिचंङ अतिंङ ला क्वाच़ी थचेहतुंई; छना कुचे गेह केतंङ कुट्रातग कि सर्गंङ दोतु दूतारे हमेशा गिऊ सर्गो बाहरंङ साते बंङज़ातोर।

मत्ती 24:31

दोई तुरहीऊ जोहरे सगतंङ साते एनोह दूतारे च़रपोतो, दंङ दोरे धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर।

लूको 1:19

स्वर्गदूते दोबि जुबाब रेंई, “गेह ज़िब्राइल शुगाह, अंऊ परमेश्वरो तुईज़ी खड़े श्वातेग, दंङ गेह करंङ साते गप्पा लहज़िमी थल्जी ए दीह रूठे खबर कुट्रिमी थल्जी च़रसी शुगाह।”

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

1 थिस्सलुनीकियों 4:16

छना कुचे प्रभु यीशु एनोह ए स्वर्गो दोरच़ी तकसोतो; दोई मोह्ड़े सगरंङ साते हुकुम रमतो, दंङ इच्च़ा प्रधान स्वर्गदूत जोरे हाऊष रें कोहतो दंङ परमेश्वरो तुरही ओ ला संग थक्पोंई, दोहपल भत्ते बे तुहई अंऊ मसीहरिंङ विशवास लहज़ा सिए इलजी तोतोर, दोरे मुन्डारिंङ श्रींङे योर।

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 16:1

दोऊ थल गेह मंदिरो दोरच़ी इच्च़ा तेज सग बि निह्ज स्वर्गदूता तंङ साते दि कुट्री रेड्रीगा, “इलांई धरतीऊ मीहतु टोईच़ी परमेश्वरो तरफे दि सज़ा रें च़रतुंई अंऊ दि निह्ज कोली रिंङ तोह।”

प्रकाशित वाक्य 8:13

अपेहल गेह यह्च़ा खंईगा, दंङ गेह इच्च़ा उकाब बि सर्गा रिंङ फंज़ि ए जोरे सग रंङ साते दि कुट्री रेड्रीगा, “दुह मदम मीहतु टोईच़ी मुसीबत अपतो अंऊ धरतीऊ टोईच़ी बंङज़ातोर, छना कुचे अपेहल थल मुक्को षुमु ला स्वर्गदूत एनोह तुरही रिंङ फुह लोहर, दोहपल षुम मुसीबत ऊई शोतो अंऊ दोतिंङ सच़ी च़रपोतो। धरतीऊ टोईच़ी बंङज़ा दोतु टोईच़ी, हाय, हाय, हाय!”

प्रकाशित वाक्य 8:6

दोहपल दुह निह्ज स्वर्गदूत अंऊ दोतु कछंङ तुरही तोहई, फुह लहज़िमी थल्जी तेयार शुहचे इलिर।

प्रकाशित वाक्य 9:1

अपेहल पांचवां स्वर्गदूते तुरही रिंङ फुह लहरी, दंङ गेह स्वर्गो दोरच़ी धरती रिंङ इच्च़ा कर दह्पी तंङरिगा, दंङ दि कर बि दुह कुंजी रें च़रति अंऊ दुह अधोलोक (गड्डा) बि युप्शे तरपोतो अतु गहराई ओ छल्ले अंत माह।