प्रकाशित वाक्य 7:9 - लाहौली बाइबिल

⁹ दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।

प्रकाशित वाक्य 7:9 Iomraidhean Croise

लूको 12:1

दुह टेमारिंङ दोर तिंङ हज़ार बे महस मीहतु भीड़ ठ्रोहका शुहचे इलि, देहर तचेक दोरे इदि ऊईदिऊ टोईच़ी दह्चे लेहतिर, यीशु ज़ि भत्ते बे तुहई एनोह चेला तङ साते कुंई, “फरीसी मीहतु कपटो खमीरो दोरच़ी बचेके तोहई।

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

यहून्नो 12:13

दोच़ी खजूरो ब्रन्ज़ेर लेन्ज़ा दोरंङ साते दोहई इलिर, दंङ हाऊष रंड्री लेहतिर, “होशना! धन्य शुह इस्राएलो रज्ज़ा, अरी प्रभुऊ अधिकारंङ साते अपा।”

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

इब्रानियों 11:12

अपेहल अब्राहम महस यांङदे शुहचे इलि दू सिमी तोहई, दोहपल दोऊ सर्गो कर तु बराबर ए समुंद्रो किनारा ओ शिरतु बराबर अनगिनत वंश पैदा शुई।

इब्रानियों 12:22

पर केरे सिय्योन गोह कछंङ अंज़े तोतोंई, अंऊर स्वर्गीय यरूशलेम तोह, अंऊ श्रींङे परमेश्वरो शहर शुह, अंऊर लख स्वर्गदूता रे खुशी ऊ त्याहरो मनेक्च़ातेर।

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 22:3

दुह शहरा रिंङ झांह ठ्रोह छल्ले माह तोहई अंऊ परमेश्वरो श्रापो अधीन तोह। दोर्तिंङ परमेश्वर ए कुरच़ो सिंहासन शोतो, दंङ परमेश्वरो सेवक दोऊ अराधना लोहर।

प्रकाशित वाक्य 3:18

झांह लेह गेह कनिंङ खबरदार लहज़ातग कि कनिंङ गिऊ दोरच़ी रूठे ज़ंङ च़ुमसी लेह्पोतो ताकि काह हेले रिंङ साहुकार बणेंके तरपोन। कनिंङ गिऊ दोरच़ी लेहच़िमी थल्जी छंङसी खमज़ेर ला च़ुमज़ि जूंशी तोह ताकि कनु फुक कपषा बंङज़तो दंङ काह शर्मिन्दा शुहबी मेस। दंङ कनिंङ केनोह टिरो इलाज लहज़िमी थल्जी गिऊ दोरच़ी अव्षत ला च़ुमज़ि जूंशी तोह ताकि केई खंड्री तरपोन।

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 5:11

अपेहल गेह यह्च़ा खंईगा, दंङ अचानक ए गेह लाखो लाख स्वर्गदूता तु सग रेड्रीगा, दोतु गिनती शुहबिमी माह तोहई। दोरे सिहासनो, ए दुह पिला श्रींङे प्राणी तु ए दुह निह्जो पि सेंहणा तु पि ला हासी तोईरे।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”

प्रकाशित वाक्य 6:11

दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”

प्रकाशित वाक्य 7:8

जबूलून ओ गोत्रो बिचंङ ज़ि सनी हज़ारो टोईच़ी, यूसुफो गोत्रो बिचंङ ज़ि सनी हज़ारो टोईच़ी, दंङ बिन्यामीनो गोत्रो बिचंङ ज़ि सनी हज़ारो टोईच़ी मुहरो निशान लगाके च़रति।