प्रकाशित वाक्य 7:4 - लाहौली बाइबिल

⁴ अपेहल स्वर्गदूता ज़ि निशान लगाएच़ी पूरा लहज़ी च़रतिर, दंङ अच़िया गिह्बी कंड्रीर कि दोरे मीहरे अतु फ्याहरिंङ स्वर्गदूता ज़ि परमेश्वरो मुहरे निशान लगाएकातोर, दोतु गिनती इच्च़ा लाख निह्जो पी हज़ार तोहई। दिरे मीहरे इस्राएलो भत्ते सनी गोत्रो बिचंङ ज़ि तोईरे।”

प्रकाशित वाक्य 7:4 Iomraidhean Croise

मत्ती 19:28

यीशुज़ि दोतंङ साते कुहतो, “गेह केतंङ हेले कुट्रातग कि खरकोई संसारारंङ अपेहल गेह मीहू योह घेंङौ महिमो सिहासनंङ बंङज़ोग दंङ केरेला अरी गिऊ थले अंज़े तोहतोंई सनी सिहासनो टोईच़ी बंङज़ा सनी गोत्रातु इंसाफ लोहंई।

लूको 14:22

परगरे यहचा कुहतो, हे मालिका, केई छना कुहतेन, ध्यांए लेह केहतेग; दंङ ऊई लाह ठहरि तोह;

लूको 22:30

ताकि केहच़ी गिऊ राज्यरिंङ गेरंङ साते जोओनी ए तुंङमोंई देर तचेक कि सिहासनंङ बंङज़ा इस्राएलो सनी खानदानो न्याय लोहनी।

प्रेरित 26:7

ञेंहतु सनी गोत्र एनोह भत्ते सेहमंङ ज़ि रात-दिन परमेश्वरो सेवा लहज़ी लेहकी तोतोर। परमेश्वरा रंङ साते इच्च़ा वाईदा पूरा लहज़िमी उम्मीद तोह। हे रज्ज़ा, दि झांह तोह छना कुचे गिऊ विशवास तोह कि परमेश्वरे यीशु बि यह्च़ा श्रींङमी लेह च़रति दंङ दिए हेंदु आधार शुह, उम्मीद तोह कि दुह ला सिए दोतिंङ श्रींङे लेह च़रपोतो, ठीक दिए उम्मीद ओ यहुदी गिऊ टोईच़ी दोष लगाएच़ातोर।

रोमियो 9:27

दंङ यशायाह भविष्यवक्ता इस्राएलो पाहठी हाऊष रंड्रा कुट्रा, “चाहे इस्राएलो मीहतु गिनती समुंद्रो शिरतु ठ्रोह महस शोतो, तांला दोतु बिचंङ थोड़े ए बचेक्पोर।”

याकूब 1:1

गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

प्रकाशित वाक्य 14:1

दिऊ थल्जी गेह ऊई छा तंङरिगा, गेह सिय्योन गोह टोईच़ी कुरच़ा बि खड़े शुहबी तंङरिगा। दोरंङ साते इच्च़ा लाख निंज़ो पि हज़ार मीहरे तोईरे, दोतु फ्याहरिंङ कुरच़ो मिन ए दोऊ बाह ओ मिन च़ेहसी तोहई।

प्रकाशित वाक्य 14:3

इच्चा लाख निंज़ो पी हजार मीहरे 144,000 सिंहासनो तुईज़ी, दंङ पि श्रींङे प्राणीर ए सेंहणा तु तुईज़ी तोईरे; दोच़ी इच्च़ा खरकोई गीत कुट्रातेर, अतिंङ सिर्फ दोच़ी ए सिखेच़ी तरच़ातेर। सिर्फ दोरे अतिंङ परमेश्वरे धरतीऊ टोईच़ी बंङज़ा मीहतु बिचंङ ज़ि छुड़ाके चरच़ाते।

प्रकाशित वाक्य 7:5

स्वर्गदूता ज़ि यहूदा ओ गोत्रो बिचंङ सनी हज़ार मीहतु टोईच़ी मोहर लगाएतिर, रुबेनो गोत्रो दोरच़ी सनी हज़ार मीहतु टोईच़ी, गाद ओ गोत्रो बिचंङ ज़ि सनी हज़ार मीहतु टोईच़ी,

प्रकाशित वाक्य 9:16

दोतु फोज़ो सवारो गिनती निह्ज करोड़ तोहई; गेह दोतु गिनती रेड्रीगा।