प्रकाशित वाक्य 7:3 - लाहौली बाइबिल

³ “अपेहल तचेक हेनर हेंदु परमेश्वरो दासातु फ्याह ओ टोईच़ी मुहर लगाके माह केओनि, धोंण तचेक धरती ए समुंद्र दंङ बुटातिंङ नुकसान था लंहि, ताकि दोरे दुह मुसीबतो दोरच़ी दुखी शुहबी माह जूंस,

प्रकाशित वाक्य 7:3 Iomraidhean Croise

मत्ती 24:22

अगर दोरे ध्याड़ारे घटाशी माशुहचंङ दंङ इच्च़ा ला जीव बचेकी माह शुंईयां, पर शत्‌ह लहसी दोतु बजाहज़ि दुह ध्याड़ारे घटेक्पोर।

मत्ती 24:31

दोई तुरहीऊ जोहरे सगतंङ साते एनोह दूतारे च़रपोतो, दंङ दोरे धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर।

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 3:33

पर अंऊ दोच़ी दोऊ गवाही ग्रहण लहरिर दोई दी गप्पा पक्‍का लेह च़रति कि परमेश्वर सच्चा तोह।

रोमियो 6:22

दंङ एंतेग पापो दोरच़ी आज़ाद शुहचे परमेश्वरो दास शुहचे केरे दू कम लहज़ातंई अंऊ पवित्रता ओ हखा रैंज़ा शिलज़ा, दंङ दोऊ अंत अनंत जीवन तोह।

प्रकाशित वाक्य 13:16

अई घ्वंणे खास ए खास मेह, साहुकार ए गरीब, परगर या अंऊ दोरे परगर माह तोईरे मतलब भत्ते मीहतिंङ मज़बूर लहरी कि दुह मुण्डो घ्वंणो मिन एनोह सुचंङ गुहट्ररिंङ या एनोह फ्याह ओ टोईच़ी छाप लगाएपोतो।

प्रकाशित वाक्य 13:17

दोच़ी झांह दिऊ थल्जी लहरिर ताकि अरिला मीह छिल्ला च़ुमज़ि या लङज़ि मरपोतो अगर दोऊ टोईच़ी मुण्डो घ्वंणो मिन्दु छाप या दोऊ मिन कंड्रा ठ्रोह अक्षरो छाप माह शोतो।

प्रकाशित वाक्य 14:1

दिऊ थल्जी गेह ऊई छा तंङरिगा, गेह सिय्योन गोह टोईच़ी कुरच़ा बि खड़े शुहबी तंङरिगा। दोरंङ साते इच्च़ा लाख निंज़ो पि हज़ार मीहरे तोईरे, दोतु फ्याहरिंङ कुरच़ो मिन ए दोऊ बाह ओ मिन च़ेहसी तोहई।

प्रकाशित वाक्य 14:9

दंङ दितु थल अई इच्च़ा तीसरा स्वर्गदूत मोह्ड़े सग रंङ साते दि कुट्रा ते अति, “अंऊ अरिला दुह घ्वंणो ए दोऊ मुर्तिऊ पूजा लोहतो, दंङ एनोह फ्याहरिंङ या एनोह गुह्ट्रो टोईच़ी दोऊ छाप लेहप्चा”,

प्रकाशित वाक्य 19:2

दोऊ स्तुति लंहि, छना कुचे दोऊ भत्ते फेंसला ठीक ए सच्चा तोह। दोई दुह कुकम लहज़ार मेच़िमी ऊ फेंसला लहरी छना कुचे दोई संसारो मीहतिंङ पाप लहज़िमी थल्जी उकसाएसी तहरे। परमेश्वरे दोऊ भुगतान लहरी परमेश्वरो दास कुकम लहज़ा ओ दोरच़ी सिए इलिर।”

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 22:4

दोरे परमेश्वरा बि एनोह सामटे खमोर, दंङ परमेश्वरो मिन दोतु फ्याह ओ टोईच़ी च़ेहसी शोतो।

प्रकाशित वाक्य 6:6

दंङ गेह रेड्रीगा कि दुह पि प्राणी तु बिचंङ इच्च़ा अंऊ मीहू ठ्रोह तोहई, दोई कुट्राते, “इच्च़ा ध्याड़ो ध्याड़ी सिर्फ इच्च़ा किलो टुर, या सिर्फ षुमु किलो छ्वाह च़ुमज़िमी थल्जी झोबड़ी शोतो। पर तेल ए दाखो रसो नुकसान शुहबी थारोंऊ।”

प्रकाशित वाक्य 7:1

दोऊ थल, गेह पि स्वर्गदूता तिंङ संसारो पिला हासी कुंणी रिंङ खड़े तंङरिगा। दुह स्वर्गदूता तिंङ संसारा बि दुख रंड्रीमी थल्जी परमेश्वरो दोरच़ी अधिकार रांहषी तोहई, चाहे दुह समुंद्रंङ शुह या धरती ऊ टोईच़ी। दोच़ी संसारो पिला कुंणी ऊ दोरच़ी लहन रोक्केच़ा तोईरे, ताकि समुंद्रो अंदरेग शुह या धरतीऊ टोईच़ी दंङ बणारिंङ लन्न अपि माह जूंस। गेह अई इच्च़ा स्वर्गदूता बि पूर्व दिशा रिंङ प्रगट शुहबी तंङरिगा। दोऊ कछंङ श्रींङी परमेश्वरो इच्च़ा मुहर तोहई। दुह स्वर्गदूते मोह्ड़े सग रे दुह पि स्वर्गदूता तिंङ हाऊष रें दंङ कुई,

प्रकाशित वाक्य 9:4

छना अतिंङ आ बिच्छु डंक रंङ साते टेहषी शवाह, ध्वांए दि टिटातिंङ ङा लाह तचेक दुह मीहतिंङ नुकसान लहज़िमी हुकुम रें च़रति, अतु फ्याह ओ टोईच़ी परमेश्वरो मोहर निशान माह तोहई। पर दोतंङ साते कुहषी तोहई दोतिंङ माह ता धरतीऊ श्रांङ, माह ए अंऊ आ ब्रनज़ेर, दंङ माह ए अंऊ आ बुटा बि नुकसान लहज़ी तोहई।