प्रकाशित वाक्य 7:17 - लाहौली बाइबिल

¹⁷ छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”

प्रकाशित वाक्य 7:17 Iomraidhean Croise

मत्ती 2:6

“हे यहुदिया प्रदेशो बेतलहम नगरो मीहरे! कांह अरी यहूदा देशंङ तोतोन, कांह छिला रीतिरंङ यहूदो अधिकारितु बिचंङ भत्ते बे कवचि माह शुनाह; छना कुचे केहतु बिचंङज़ि इच्च़ा मीह अपतो अंऊ अधिपति बणेक्पोतो, अच़ि गिऊ प्रजा अंऊ इस्राएलो देशारिंङ देखभाल लोहतो।”

मत्ती 5:4

धन्य शुहरे दोरे, अच़ि शोक लाह्तोर, छना कुचे परमेश्वर दोतिंङ शांति रमोतो।

यहून्नो 10:11

रूठे पोहाल गेह शुगाह। रूठे पोहाल ए एनोह त्रैंईतु थल्जी एनोह जहानो ला रें चरच़ि।

यहून्नो 10:14

रूठे पोहाल गेह शुगाह; गेह घेंङौ मा रेसेहका, दंङ गिऊ मा रे ला गिह्बी सेहचातोर।

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

यहून्नो 4:11

मेच़िमी ज़ि दोरंङ साते कुंई, “कांह कछंङ ती पिंङड्रीमी थल्जी ता छले माह, दंङ कुंआ महस ढूहगे तोह: दंङ दुह जीवनो ती कांह कछंङ अंऊरच़ि अंजा?

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

1 पतरस 5:2

कि विशवासी तु दू झुंडो रखवाली लंहि अंऊ परमेश्वरो तोह, दंङ अपि केतिंङ देखभाल लहज़िमी थल्जी रांहषी तोह। खुशी रंङ साते दोतु देखभाल लंहि, दिऊ थल्जी मशत कि केरे मज़बूर तोतोंई। दिए परमेश्वरे जुंज़ा कि केहच़ी लंहि। सिर्फ ढबाहो थल्जी विशवासी तु देखभाल था लंहि, पर दिऊ थल्जी कि केरे हेले रिंङ दोतु मदत लहज़ी जुंज़ातंई।

प्रकाशित वाक्य 14:4

दिरे दोरे शुरे अंऊ दोच़ी पवित्र जीवन श्रींङमोंई, दिरे दुह मीहतु ठ्रोह तोतोर अच़ि इच्च़ा फेरा ला अंऊ मेच़िमी तंङ साते अशुद्ध कम माह लहरिर, दंङ माह ए दोच़ी अपेहला छा चीज़ो पूजा लहरिर, दिरे सिर्फ कुरच़ो ए अराधना लहज़ातोर, अंऊर ला कुरच़ा यवात। दिरे मीहरे दोरे शुरे अंऊ दोतिंङ धरतीऊ भत्ते मीहतु दोरच़ी शत्‌ह लहसी शुह। छना मीहच़ी एनोह रिहू भत्ते बे रूठे हिस्सा परमेश्वराबि रंड्री ध्वांए दिरे मीहरे ला एनोह जीवना बि भत्ते पवित्रता रंङ साते परमेश्वर ए कुरच़ा बि रंड्रातोर।

प्रकाशित वाक्य 21:22

गेह दोर्तिंङ छिल्ला मंदिर माह तंङरिगा, छना कुचे सर्वशक्तिमान परमेश्वर ए कुरच़ा दुह शहरा रिंङ तोतोर। दिऊ थल्जी दोर्तिंङ मंदिरो छल्ले ज़रूरत माह।

प्रकाशित वाक्य 21:23

दुह शहरा बि छंङी ओ थल्जी ऐके या लच़ंङो ज़रूरत माह। छना कुचे परमेश्वरो महिमा दुह शहरारिंङ चमक्केपा, दंङ कुरच़ा ला तोह अंऊ दिबी छंङी लहज़ा।

प्रकाशित वाक्य 21:4

दुह दोतु टिरो दोरच़ी भत्ते मिक्ति भ्रूच़िह च़रपोतो; दंङ अरिला मीह अपेहला दुखी माह शोतो, क्रपोतो माह, टेहषी महसूस माह लोहतो, दंङ माह ए मौत शोतो, छना कुचे पुराना संसारो भत्ते चीज़ योंहंषा शुहचे योतो।”

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 4:11

“हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।