प्रकाशित वाक्य 7:15 - लाहौली बाइबिल

¹⁵ दिऊ थल्जी ए दोरे परमेश्वरो सिंहासनो तुईज़ी खड़े तोतोर, दोरे हर टेम निरा या रात परमेश्वरो चुंङ दोऊ सेवा लहज़ातोर; दंङ दोतु देखभाल दोऊ दोरच़ी ए शवाह अंऊ सिंहासन टोईच़ी बंङज़ा तोह छना कुचे दुह दोर्तिंङ दोतंङ साते तोह।

प्रकाशित वाक्य 7:15 Iomraidhean Croise

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 8:1

हेंतेग अंऊ गप्पा ञेंहच़ी कुट्रातंई, दोतु बिचंङ भत्ते बे मोह्ड़े सच्चाई दि तोह, कि ञेंहतु कछंङ झांह ठ्रोह यहुदी महापुरोहित तोह, अंऊ हेंतेग ला स्वर्गंङ परमप्रधान परमेश्वरो सिहासन सुचंङ हासी बंङज़ा इलजी तोह,

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 13:6

दंङ घ्वंणे परमेश्वरा बि शाप रंड्री शुरू लेह च़रति, कि दुह दोऊ मिन्दु खिलाप, दंङ दू, दुह ठहरि ओ खिलाप कुट्री लेहती अंऊर परमेश्वर बंङज़ाते मतलब स्वर्गो, दंङ दुह भत्ते मीहतु खिलाप अंऊ स्वर्गा रिंङ बंङज़ातोर।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 21:22

गेह दोर्तिंङ छिल्ला मंदिर माह तंङरिगा, छना कुचे सर्वशक्तिमान परमेश्वर ए कुरच़ा दुह शहरा रिंङ तोतोर। दिऊ थल्जी दोर्तिंङ मंदिरो छल्ले ज़रूरत माह।

प्रकाशित वाक्य 22:3

दुह शहरा रिंङ झांह ठ्रोह छल्ले माह तोहई अंऊ परमेश्वरो श्रापो अधीन तोह। दोर्तिंङ परमेश्वर ए कुरच़ो सिंहासन शोतो, दंङ परमेश्वरो सेवक दोऊ अराधना लोहर।

प्रकाशित वाक्य 22:5

दोर्तिंङ यह्च़ा अपेहला रात माह शोतो, अंऊ मीहरे दोर्तिंङ बंङज़ातोर, दोतिंङ एनोह अमरिंङ छंङी ओ थल्जी छंङीऊ ज़रूरत माह शोतो। माह ए दोतिंङ छंङी रंड्रीमी थल्जी ऐकेऊ ज़रूरत तोह। छना कुचे परमेश्वर ए तोह अंऊ मीहतु थल्जी छंङी रंड्रा। दंङ दिरे मीहरे अंऊ दोर्तिंङ बंङज़ातोर दोरे हमेशा ओ थल्जी राज लोहरे।

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”

प्रकाशित वाक्य 4:9

अंऊ सिंहासनो टोईच़ी बंङज़ा तोह, दुह ए तोह अंऊ हमेशा-हमेशा तचेक श्रींङे बंङज़ोतो। अपेहल ला श्रींङे दोच़ी दोबि महिमा, आदर ए धन्यवाद रंड्रातोर, दोहपल निंज़ो पि सेंहणार दोऊ तुईज़ी द्चिह यवातोर, दंङ दोऊ अराधना लहज़ातोर। दंङ दि कुट्रा सिंहासनो तुईज़ी एनातु मुकुट केह्चे केट्रातोर,

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।