प्रकाशित वाक्य 7:14 - लाहौली बाइबिल14 दंङ दोतंङ साते कुड़िगा, “हे मालिका, गेह माह ञेंच़ातग पर केई ए ञेंच़ातन,” दोई गिऊ हखा कुई, “दिरे दुह मीहरे शुरे अंऊ दोच़ी महस दुखो अनुभव लहसी शुह। दोच़ी एनोह खमज़ेर कुरच़ो शुहई रें शुहल्ज़े चरच़ातोर दंङ हेंतेग दोरे छंङसी शुहचे इलोर, दिऊ मतलब दि तोह कि दोतु पाप मिटाके केहषी तोह।” Faic an caibideil |
प्रकाशित वाक्य 7:14
30 Iomraidhean Croise
दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।
“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”
दंङ गेह छा तंङरिगा अतु चौड़ाई समुंद्रो ठ्रोह तोहई, दि मेह च्वासी अरशीहू ठ्रोह तंङफाते। दंङ दुह समुंद्रो मुखंङ अंऊ अरशीहू ठ्रोह तोहई, गेह महस मीहतिंङ खड़े शुहबी तंङरिगा। दोरे, दुह मीहरे तोईरे अच़ि दुह घ्वंणा बि याहरच़ा तेर, छना कुचे दोच़ी दोऊ अराधना लहज़िमी रंङ साते इंकार लेह च़रतिर, दोच़ी दोऊ मुर्ति ऊ अराधना लहज़िमी रंङ साते दंङ दुह गिनती ओ चिन्ह खोकच़िमी दोरच़ी इंकार लेह च़रति अतु मतलब दोऊ मिन शुह। दोरे यहरच़ा दुह समुंद्रो मुखंङ खड़े तोईरे अंऊ अरशीहू ठ्रोह तोहई, दोच़ी दुह तारो ठ्रोह कुलड्रिमी यंत्र च़ुमसी तरेर अंऊ दोतिंङ परमेश्वरो तरफे रांहषी तोहई।
दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।
Sanasan