प्रकाशित वाक्य 7:12 - लाहौली बाइबिल

¹² अमीन! ञेंहच़ी घोषणा लहज़ातंई कि ञेंहतु परमेश्वर महान, सामर्थशाली, ए पराक्रमी, ए ज्ञानवान तोह। अतंई हेनर हमेशा-हमेशा ओ थल्जी दोऊ महिमा लोहनि दंङ दोबि धन्यवाद रमोंई। अमीन।

प्रकाशित वाक्य 7:12 Iomraidhean Croise

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

1 कुरिन्थियों 14:16

ञेंई च़रतेंई कि अरिया सीधा रे मीह केहतु अराधनारिंङ तोह, अपेहल केरे केनातु आत्मारिंङ परमेश्वरो स्तुति लहज़ातंई अगर दोई केहतु गप्पा शुहङी मरच़ा, दंङ केहतु परमेश्वरा बि धन्यवाद रंड्रीमी थल, दोबि छना पता लेह्पोतो कि अमीन अपेहल कुट्री अंऊ पाहठी केहच़ी कुट्रातंई?

2 कुरिन्थियों 4:15

छना कुचे भत्ते दुख अंऊ हेंज़ी सहन लहज़ातंई केहतु थल्जी शुह, ताकि परमेश्वरो मोह्ड़े दाह ओ दोरच़ी महसे बे महसे मीहतु पता लेहकी योतो कि परमेश्वर अंयों दाह लहज़ा तोह, दंङ परमेश्वरो महिमा ए स्तुति लोहनि।

कुलुस्सियों 2:7

दंङ दोरिंङ ए जड़ चुमज़ा ए तुंखा शुहवा लंहि; दंङ छना केतिंङ सिखासी तरेह ध्वांए विशवास रिंङ पक्‍का शुवाह लंहि, दंङ महसे धन्यवाद लोहवा लंहि।

कुलुस्सियों 3:17

दंङ अंऊ बचन ला केहच़ी कुट्रातंई या छिल्ल ला लहज़ा तंई भत्ते धिर प्रभु यीशु मिंदंङ साते लंहि, दंङ प्रभु यीशु दोरच़ी परमेश्वरो बाहऊ धन्यवाद लंहि।

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 19:4

दंङ निंज़ो पि सेंहणार ए पि प्राणी ज़ि द्चिह ते परमेश्वरा बि फ्यग लहरिर; अंऊ सिंहासनो टोईच़ी बंङज़ा तोहई, दंङ कुई, “अमीन! परमेश्वरो स्तुति शुहबी जूंस!”