प्रकाशित वाक्य 7:1 - लाहौली बाइबिल

^1-2 दोऊ थल, गेह पि स्वर्गदूता तिंङ संसारो पिला हासी कुंणी रिंङ खड़े तंङरिगा। दुह स्वर्गदूता तिंङ संसारा बि दुख रंड्रीमी थल्जी परमेश्वरो दोरच़ी अधिकार रांहषी तोहई, चाहे दुह समुंद्रंङ शुह या धरती ऊ टोईच़ी। दोच़ी संसारो पिला कुंणी ऊ दोरच़ी लहन रोक्केच़ा तोईरे, ताकि समुंद्रो अंदरेग शुह या धरतीऊ टोईच़ी दंङ बणारिंङ लन्न अपि माह जूंस। गेह अई इच्च़ा स्वर्गदूता बि पूर्व दिशा रिंङ प्रगट शुहबी तंङरिगा। दोऊ कछंङ श्रींङी परमेश्वरो इच्च़ा मुहर तोहई। दुह स्वर्गदूते मोह्ड़े सग रे दुह पि स्वर्गदूता तिंङ हाऊष रें दंङ कुई,

प्रकाशित वाक्य 7:1 Iomraidhean Croise

मत्ती 24:31

दोई तुरहीऊ जोहरे सगतंङ साते एनोह दूतारे च़रपोतो, दंङ दोरे धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर।

मरकुसो 13:27

दंङ गेह घेंङौ स्वर्गदूतार च़रपोग, कि दोच़ी धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर अंऊ दोच़ी गिऊ टोहकठे विशवास लहज़ातोर।”

प्रकाशित वाक्य 20:8

अपेहल हज़ार साल योह्सा योतो दंङ स्वर्गदूत शेतान बि दोरच़ी अंऊर दुह छ़ुह्च़ी तोहई, आज़ाद लेह च़रपोतो, दंङ दू, दुह देशा तिंङ धोखा रंड्रीमी थल्जी धकतेखा अच़ा अपतो अंऊ भत्ते संसारारिंङ पुरसा तोतोर। दि देशा तिंङ गोग ए मागोग ला कुट्री। शेतान दुह भत्ते तिंङ इच्च़ा ठहरि ठ्रोहका लोहतो। दोरे महसे शोर झांह ठ्रोह कि अरिया दोतिंङ समुंद्रो शिरतु ठ्रोह मिके मरपोर।

प्रकाशित वाक्य 6:6

दंङ गेह रेड्रीगा कि दुह पि प्राणी तु बिचंङ इच्च़ा अंऊ मीहू ठ्रोह तोहई, दोई कुट्राते, “इच्च़ा ध्याड़ो ध्याड़ी सिर्फ इच्च़ा किलो टुर, या सिर्फ षुमु किलो छ्वाह च़ुमज़िमी थल्जी झोबड़ी शोतो। पर तेल ए दाखो रसो नुकसान शुहबी थारोंऊ।”

प्रकाशित वाक्य 7:3

“अपेहल तचेक हेनर हेंदु परमेश्वरो दासातु फ्याह ओ टोईच़ी मुहर लगाके माह केओनि, धोंण तचेक धरती ए समुंद्र दंङ बुटातिंङ नुकसान था लंहि, ताकि दोरे दुह मुसीबतो दोरच़ी दुखी शुहबी माह जूंस,

प्रकाशित वाक्य 8:7

मुण्डो स्वर्गदूते तुरही फुह लहरी, दंङ ध्वांए शुहई रंङ साते च्वसी मुघ ए मेह धरतीऊ टोईच़ी केहच़ी च़रति। झांह लेह धरतीऊ इच्च़ा तिहाई हिस्सा रोह्षा इलि, दंङ इच्च़ा तिहाई बुटर रोह्षा इलिर, दंङ भत्ते तिंङीं श्रांङ ला रोह्षा इलि।

प्रकाशित वाक्य 9:14

दंङ सग ए छठवें स्वर्गदूतारंङ साते कुई, अच़ि तुरही च़ुमसी तहरे, “हेंतेग दुह पि मांजी शेतानी दूतारे युप्शे च़रतु अंऊ फरात मिंदंङ मोह्ड़े बेंडी रिंङ छ़ुह्च़ी तोतोर।”

प्रकाशित वाक्य 9:4

छना अतिंङ आ बिच्छु डंक रंङ साते टेहषी शवाह, ध्वांए दि टिटातिंङ ङा लाह तचेक दुह मीहतिंङ नुकसान लहज़िमी हुकुम रें च़रति, अतु फ्याह ओ टोईच़ी परमेश्वरो मोहर निशान माह तोहई। पर दोतंङ साते कुहषी तोहई दोतिंङ माह ता धरतीऊ श्रांङ, माह ए अंऊ आ ब्रनज़ेर, दंङ माह ए अंऊ आ बुटा बि नुकसान लहज़ी तोहई।