प्रकाशित वाक्य 6:8 - लाहौली बाइबिल

⁸ दोहपल गेह इच्च़ा लेहई रंगो रहंङ तंङरिगा, दंङ अंऊ दोऊ टोईच़ी सवार तोहई दोऊ मिन मौत तोहई; दंङ अधोलोक दोऊ थलेच़ि, थलेच़ि तोह। दोबि धरतीऊ टोईच़ी बंङज़ा हर इच्च़ा पि मीहतु बिचंङ इच्च़ा बि सच़िमी अधिकार रें च़रति। कि दोतिंङ तलवारे, योंष रें, मदम-मदम बीमारी रें सच़ी च़रतु, दंङ दोच़ी दोतिंङ बंणो घ्वंणर दोरच़ी ला सच़ी च़रतिर।

प्रकाशित वाक्य 6:8 Iomraidhean Croise

मत्ती 11:23

हे कफरनहूम शहरो मीहरे, छि कांह स्वर्ग तचेक रंगी शोना? कांह ताह अधलोक तचेक योंखा योन; अंऊ सामर्थो कमारे कांह दोरच़ी शुहचे तोतोर, अगर दोरे सदोम शहरंङ शुहचंङ ता, दुह तोग तचेक दोहरिंङ ए शुहबी तोहई।

मत्ती 24:7

छना कुचे इच्च़ा जाति मीहरे ऊईजातिऊ मीहतु खिलाप शोर दंङ इच्च़ा देश ऊई देशो खिलाप शोर, दंङ अकाल शोतो ए भुयंल अपोतो।

1 कुरिन्थियों 15:55

“हे मौता, कनु जीत अंऊर तोत? हे मौता, कनु डंक अंऊर तोत? झांह ठ्रोह, पवित्रशास्त्रा रिंङ छि च़ेहसी तोह दुह पूरा शोतो।”

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 12:4

दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 9:15

झांह लेह दोहथर दोरे पिला शेतानो दूतार युप्शी च़रतिर। दोरे तुहई बेहच़ी तेयार तोईरे दंङ दोतिंङ कुहषी तोहई कि दि मुक्का, दि ध्याड़ा, दि लाहरिंङ दि सालो थल्जी रुमज़ा तोईनी दंङ हेंतेग दुह टेम पिच़ि इलज़ा। दोतिंङ संसारो इच्च़ा हिस्सा ओ मीहरे सच़ी केट्रिमी तोईरे।

प्रकाशित वाक्य 9:18

दि षुमु ला मुसीबता ज़ि, अंऊ कि रहंङों आहच़ि हुंच़ा मेह, टूह ए गन्धक तोहई, भत्ते मीहतु बिचंङ इच्च़ा तिहाई बि सच़ी च़रति।