प्रकाशित वाक्य 6:17 - लाहौली बाइबिल

¹⁷ छना कुचे दुह भयानक ध्याड़ा पिचे इलजी तोह, अपेहल परमेश्वर ए कुरच़ा भत्ते तिंङ सज़ा रमोर, दंङ अरिला दि सज़ा ओ दोरच़ी बचेकी मरपोतो।

प्रकाशित वाक्य 6:17 Iomraidhean Croise

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

रोमियो 2:5

पर केरे ज़िद्दी तोतोंई दंङ झांह लेह केरे पश्चाताप लहज़िमी रंङ साते इंकार लहज़ातंई, झांह लेह परमेश्वर केतिंङ महस खरे सज़ा रमतो। छना कुचे दुह ध्याड़ा अपि लेहकी तोह, अपेहल परमेश्वरे एनोह रोहष कमबोतो दंङ एनोह सच्चा न्याय प्रगट लोहतो।

यहूदा 1:6

हिद लंहि कि प्रभु ज़ि स्वर्गदूता तिंङ छना ठ्रोह सज़ा रांई, अंऊ दोच़ी एनोह ज़िम्मेवारी रूठे रंङ निभाएतिर माह, बल्कि दोच़ी एनोह ठहरि छोड़ेकी केहरी। प्रभु ज़ि दि स्वर्गदूता तिंङ हंयार ठहरि केहषी ततो, झांह ठ्रोह षंङणी रें छ़ुह्च़ी ततो अपि अच़िला थाक्शे मरपोतो, ताकि मोह्ड़े ध्याड़ा रिंङ दोतु अनंत जीवनो न्याय शुहबी तरपोतो।

प्रकाशित वाक्य 11:18

ऊई जाति ज़ि रोहष लहरिर, छना कुचे हेंतेग दुह ध्याड़ा पिचे इलजे तोहई कि कनु रोहष दोतु टोईच़ी अपतो, दंङ दुह ध्याड़ा कि काह सिए दोतु फेंसला लोहन हेंतेग दुह टेम ला तोह अपेहल काह दुह भविष्यवक्ता तिंङ ईनाम रमोंन अंऊ कनु सेवा लहज़ातोर दंङ दुह भत्ते मीहतिंङ अंऊ कनु आदर लहज़ातोर, दंङ दोतिंङ अंऊ दोरे खास तोतोर दंङ अंऊ दोरे खास माह तोहर, अपेहल कि काह दोतिंङ दुह ए मुक्का नाश लेह च़रपोन अच़ि धरतीऊ टोईच़ी नाश लहज़ातोर।”

प्रकाशित वाक्य 16:14

दि मांजी आत्मा तु दोर्तिंङ चमत्कार लहज़िमी शाक्ति तोहई दंङ दोच़ी इलजे दि मीहतिंङ ठ्रोहका लहरिर अंऊ दि संसारो भत्ते देशारिंङ राज लहज़ातेर ताकि दोरे सर्वशक्तिमान प्रभु परमेश्वरो मोह्ड़े ध्याड़ा रिंङ दोऊ खिलाप लड़ाई लड़ेक्पिमी थल्जी इबि तरपोंई।