प्रकाशित वाक्य 6:16 - लाहौली बाइबिल

¹⁶ दंङ गोह ए चटानो हखा कुट्री लेहतिर, “ञेंहतु टोईच़ी दह्चे ईलांई, दंङ ञेंहतु मदत लंहि, ताकि अंऊ दुह सिंहासनो टोईच़ी बंङज़ी तोह, हेंदिंङ खंड्री मरपोतो दंङ कुरच़ो सज़ा ओ दोरच़ी ञेंतिंङ प्याके च़रतुंई।”

प्रकाशित वाक्य 6:16 Iomraidhean Croise

मत्ती 26:64

यीशुज़ि दोबि कुहतो, “केह केनेह कुह्चे केहतन; बल्कि गेह केतंङ दिला कुट्रातग कि दिऊ थलबे केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

मरकुसो 3:5

यीशु दिह खांई महसे दुखी शुहचे इलि छना कुचे दोतु सेहम ढिट शुहचे इलजी तोईर। दंङ यीशुज़ि दोतिंङ रोहषरंङ साते खांई दंङ दुह टेहची मीहू हखा कुहतो, “केनोह गुहड़ तुंखा लोह।” दंङ दोई गुहड़ तुंखा लहरी, दंङ दोऊ गुहड़ ठीक शुहचे इलि।

लूको 23:30

दुह मुक्का मीहरेर गोहतिंङ कोर, कि ञेंहतु टोईच़ी दह्चे ईलांई, दंङ दुह रंगी ठाहरीरिंङ कि ञेंहरे कपचे च़रतुंई।

प्रकाशित वाक्य 10:6

दंङ अंऊ हमेशा ओ थल्जी श्रींङे तोह, दंङ अच़ि स्वर्ग, धरती ए समुंद्र दंङ दोतु बिचंङ भत्ते धिर बणाषी ततो। दोऊ कसम लहज़ी कुई कि “हेंतेग छिल्ला गप्पो थल्जी ऊई रुमज़ी माह शोतो। हेंतेग दुह भत्ते पूरे शुहचे योतो।”

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 20:11

दंङ गेह इच्च़ा छंङी सिंहासन तंङरिगा अतु टोईच़ी परमेश्वर विराजमान तोहई। पर दुह ठहरि अंऊर परमेश्वर विराजमान तोहई, धरती ए स्वर्ग भत्ते योंहंषा शुहचे इलि, दंङ अच़िला दोतिंङ यह्च़ा खंड्री मरतिर।

प्रकाशित वाक्य 4:2

ध्वांए परमेश्वरो आत्माज़ि गिह्बी एनोह वशारिंङ लेह च़रति; दंङ “गेह स्वर्गा रिंङ इच्च़ा सिंहासन ए सिंहासनो टोईच़ी अरिया बंङज़ी तंङरिगा।”

प्रकाशित वाक्य 4:5

दुह सिंहासनो बिचंङ बिजलिऊ गर्जन हुंच़ा दंङ सिंहासनो तुईज़ी मेहू निह्ज संजवा लेहकी तोतोर, दोरे परमेश्वरो निह्ज आत्मा शुरे,

प्रकाशित वाक्य 4:9

अंऊ सिंहासनो टोईच़ी बंङज़ा तोह, दुह ए तोह अंऊ हमेशा-हमेशा तचेक श्रींङे बंङज़ोतो। अपेहल ला श्रींङे दोच़ी दोबि महिमा, आदर ए धन्यवाद रंड्रातोर, दोहपल निंज़ो पि सेंहणार दोऊ तुईज़ी द्चिह यवातोर, दंङ दोऊ अराधना लहज़ातोर। दंङ दि कुट्रा सिंहासनो तुईज़ी एनातु मुकुट केह्चे केट्रातोर,

प्रकाशित वाक्य 5:1

दंङ अंऊ सिंहासनो टोईच़ी बंङज़ा तोहई, गेह दोऊ गुहड़रिंङ इच्च़ा कताब तंङरिगा, अंऊ तोंङ ए धकते च़ेहसी तोहई, दंङ दुह निह्ज़ी मुहर लगाइगी बंद लेह केहषी तोहई।

प्रकाशित वाक्य 6:10

दंङ दोच़ी मोह्ड़े सग रंङ हाऊष रें परमेश्वरो हखा कुईरे, “हे पवित्र ए सच्चा प्रभु; काह धरतीऊ टोईच़ी बंङज़ा दुह मदम मीहतिंङ सज़ा रंड्रीमी थल्जी धोंण लम्हें टेम छिल्ले लेहपच़ातन? ञेंहच़ी विनती लहज़ातंई कि केई दुह मीहतु व्यवहारो बदला लेहप्तु अच़ि ञेंरे सच़ी च़रति।”

प्रकाशित वाक्य 9:6

दुह ङा लाह रिंङ मीहरे सिमी तरीका पेट्रोर, पर दोरे सिए मरपोर। दोरे सिमी हिटी लोहर, पर दोतिंङ सिमी छल्ले तरीका माह खोकसोतो।