प्रकाशित वाक्य 6:11 - लाहौली बाइबिल

¹¹ दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”

प्रकाशित वाक्य 6:11 Iomraidhean Croise

मत्ती 10:21

मीहरे एनोह विशवासी न्वा रिंह्ङ तिंङ सच़िमी थल्जी विरोधितू गुहड़िंङ रेह च़रपोर, ध्वांए याह-बाहच़ि ला एनोह कटुतंङ साते लोहर। दंङ कटुरे एनोह याह-बाहतु बिरोधंङ शुहचे दोतिंङ सच़िमी थल्जी बैरीतु गुहड़िंङ रेह च़रपोर।

लूको 15:22

पर पिता परमेश्वरे एनोह परगरातिंङ कुहतो, युरनाह रूठे बे रूठे खमज़े हुंज़े दिबी लेहतुंई दोऊ गुहड़िंङ गुईथब, दंङ कोन्ज़ा रिंङ बुह्टर लगाएतुंई।

यहून्नो 16:2

दोरे केतिंङ यहुदी सभा घरबारंङ च़ि धह्तेका हुंच़े च़रपोर, देहर तचेक कि दिह झांह ठ्रोह टेम ला अपतो, अच़िला केतंङ सचे च़रपोर ता दोच़ी चेहपोर कि दोच़ी झांह लेह परमेश्वरो सेवा लहज़ातोर।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

2 थिस्सलुनीकियों 1:7

अंऊ दुख केहच़ी हेंतेग सहन लहज़ी लेहकी तोतोंई, केतिंङ ए अंऊ ञेंतिंङ तस्सली रमतो, दि दुह मुक्का शोतो अपेहल प्रभु एनोह सामर्थी दूतातंङ साते, महस मेहू बिचंङ स्वर्गो दोरच़ी अपतो।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

इब्रानियों 11:40

छना कुचे परमेश्वरो कछंङ सिर्फ दोतु थल्जी ए मशत, पर हेंदु थल्जी ला इच्च़ा रूठे योजना तोह। परमेश्वरे जुंज़ाते कि दोरे हेंदंङ साते ए सिद्ध बणाएषी जुंज़ा।

इब्रानियों 12:23

केरे परमेश्वरो जेठे दोतु सभा रिंङ अंज़े शुई, अंऊ दोतु मिन स्वर्गारिंङ च़ेहसी तोह। केरे केनर परमेश्वरो कछंङ अंज़े शुई, अंऊ भत्ते मीहतु न्याय लहज़ा। केरे स्वर्गंङ धर्मी मीहतु आत्माओ कछंङ अच़ा अंज़े तोतोंई अंऊ दोतिंङ हेंतेग सिद्ध बणाके केहषी तोह।

इब्रानियों 4:10

परमेश्वरे एनोह कम योह्च़े थल नह्सते। दंङ दि दू भत्ते तु थल्जी ला झांह तोह अंऊ परमेश्वरो कछंङ नह्च़ी यवातोर। दोरे एनोह कम योह्च़े थल नह्च़ोर।

प्रकाशित वाक्य 10:6

दंङ अंऊ हमेशा ओ थल्जी श्रींङे तोह, दंङ अच़ि स्वर्ग, धरती ए समुंद्र दंङ दोतु बिचंङ भत्ते धिर बणाषी ततो। दोऊ कसम लहज़ी कुई कि “हेंतेग छिल्ला गप्पो थल्जी ऊई रुमज़ी माह शोतो। हेंतेग दुह भत्ते पूरे शुहचे योतो।”

प्रकाशित वाक्य 13:15

दुह अई घ्वंणा बि मुण्डो घ्वंणो मुर्ति बणाके दोबि श्रींङमी शाक्ति ला रें च़रति, झांह लेह दोई कुट्री ला तरच़ाते; दंङ दुह मुर्ति दुह भत्ते मीहतिंङ सच़िमी हुकुम रें च़रति अंऊ दोऊ पूजा माह लहज़ातेर।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”

प्रकाशित वाक्य 17:6

दंङ गेह खंईगा कि दुह मेच़िमी परमेश्वरो मीहतु शुहई ओ नशा रिंङ तोहई, मतलब दुह मीहतु अंऊ दोतिंङ मीहच़ी सच़ी च़रतिर छना कुचे दोरे यीशु पाहठी विशवासो जोगे तोईरे। दोबि खंड्रा गिह्बी महस हेरानी शुई।

प्रकाशित वाक्य 7:14

दंङ दोतंङ साते कुड़िगा, “हे मालिका, गेह माह ञेंच़ातग पर केई ए ञेंच़ातन,” दोई गिऊ हखा कुई, “दिरे दुह मीहरे शुरे अंऊ दोच़ी महस दुखो अनुभव लहसी शुह। दोच़ी एनोह खमज़ेर कुरच़ो शुहई रें शुहल्ज़े चरच़ातोर दंङ हेंतेग दोरे छंङसी शुहचे इलोर, दिऊ मतलब दि तोह कि दोतु पाप मिटाके केहषी तोह।”

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।