प्रकाशित वाक्य 5:8 - लाहौली बाइबिल

⁸ अंऊ मुक्का दोई कताब रैंज़ा शिली ता दुह पि ला प्राणी ए निह्जो पि सेंहणार दुह कुरच़ो तुईज़ी द्चिह इलिरे; दंङ हर इच्च़ा सेंहणा ज़ि इच्च़ा बेंज़ ए ज़ङों बणेषी कोली च़ुमसी ताहरेर। कोली धूपे पिंङषी तोहई अंऊ परमेश्वरो पवित्र मीहतु प्रार्थना बि कंड्रा।

प्रकाशित वाक्य 5:8 Iomraidhean Croise

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

इब्रानियों 1:6

दंङ अपेहल दोई एनोह आदरो जोगे योह बि संसारारिंङ च़रति, दंङ दोई कुई, “परमेश्वरो भत्ते स्वर्गदूत दोबि फ्यग लोहर।”

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 15:2

दंङ गेह छा तंङरिगा अतु चौड़ाई समुंद्रो ठ्रोह तोहई, दि मेह च्वासी अरशीहू ठ्रोह तंङफाते। दंङ दुह समुंद्रो मुखंङ अंऊ अरशीहू ठ्रोह तोहई, गेह महस मीहतिंङ खड़े शुहबी तंङरिगा। दोरे, दुह मीहरे तोईरे अच़ि दुह घ्वंणा बि याहरच़ा तेर, छना कुचे दोच़ी दोऊ अराधना लहज़िमी रंङ साते इंकार लेह च़रतिर, दोच़ी दोऊ मुर्ति ऊ अराधना लहज़िमी रंङ साते दंङ दुह गिनती ओ चिन्ह खोकच़िमी दोरच़ी इंकार लेह च़रति अतु मतलब दोऊ मिन शुह। दोरे यहरच़ा दुह समुंद्रो मुखंङ खड़े तोईरे अंऊ अरशीहू ठ्रोह तोहई, दोच़ी दुह तारो ठ्रोह कुलड्रिमी यंत्र च़ुमसी तरेर अंऊ दोतिंङ परमेश्वरो तरफे रांहषी तोहई।

प्रकाशित वाक्य 19:4

दंङ निंज़ो पि सेंहणार ए पि प्राणी ज़ि द्चिह ते परमेश्वरा बि फ्यग लहरिर; अंऊ सिंहासनो टोईच़ी बंङज़ा तोहई, दंङ कुई, “अमीन! परमेश्वरो स्तुति शुहबी जूंस!”

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 4:6

दंङ दुह सिंहासनो तुईज़ी इच्च़ा फर्श तोह अंऊ समुंद्रो ठ्रोह बह्च़े ए अरशीहू ठ्रोह संङा तोह। सिंहासनो पिला हासी पी श्रींङी प्राणी तोतोर, अंऊ दोतु भत्ते फुक टिरे कपषी तोह।

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”

प्रकाशित वाक्य 5:11

अपेहल गेह यह्च़ा खंईगा, दंङ अचानक ए गेह लाखो लाख स्वर्गदूता तु सग रेड्रीगा, दोतु गिनती शुहबिमी माह तोहई। दोरे सिहासनो, ए दुह पिला श्रींङे प्राणी तु ए दुह निह्जो पि सेंहणा तु पि ला हासी तोईरे।

प्रकाशित वाक्य 5:12

दंङ दोरे जोरे-जोरे कुट्रातेर, “दुह कुरच़ा अतिंङ बलिदान लेह चरच़ातेर, दुह महिमा ओ जोगे तोह। दोऊ अधिकार महस मोह्ड़े तोह। दोऊ ज्ञान महस डुह्गे तोह। दुह महस शाक्तिशाली तोह दंङ दुह महस साहुकार तोह। अतंई हेनर दोऊ आदर लोहनि। अतंई हेंज़ी दोऊ स्तुति लोहनि।”

प्रकाशित वाक्य 5:14

दंङ पि ला प्राणी ज़ि “अमीन” कुईर! दंङ दोरे सेंहणार कोंङा शुहचे दोऊ अराधना लहज़ी लेहतिर।

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।

प्रकाशित वाक्य 6:1

दोहथल गेह खंईगा कि कुरच़ा दुह निह्ज मुहरो बिचंङ इच्च़ा युप्ति; दंङ गेह पि श्रींङे प्राणी तु बिचंङ इच्च़ा बि हाऊष रंड्री रेड्रीगा। दोऊ सग गर्जनो ठ्रोह महसे तोहई। दोई कुई, “हेंतेग ईला तुखा बणेक्तु।”