प्रकाशित वाक्य 5:5 - लाहौली बाइबिल

⁵ दिऊ टोहकठे दुह सेंहणा तु बिचंङ ज़ि इच्च़ा गेरंङ साते कुई, “था क्रप्तु; खंणु, यहूदा ओ गोत्रो दुह ब्राघ, अंऊ रज्ज़ा दाऊदो मोह्ड़े वंश तोह, दुह शेतानो टोईच़ी जयवंत शुहचे तोह कि दोई ए दि निह्ज़ी मुहर थक्पोतो। दुह ए दि कताब युप्च़िमी जोगे सामर्थी तोह।”

प्रकाशित वाक्य 5:5 Iomraidhean Croise

लूको 23:28

यीशु ज़ि दोतु हखा किरज़ा कुहतो, “हे यरूशलेम शहरो मीओरे, गिऊ थल्जी थाह क्रपतुंई; पर छिला धिर शुहबिमी तोह दोऊ पाहठी केनातु कटुतु थल्जी क्रप्तुंई।

लूको 7:13

दोबि खांई प्रभुबि दया अति, दंङ यीशुज़ि कुहतो, “था क्रपतु।”

लूको 8:52

दोर तिंङ भत्ते मीहरे दुह मियो थल्जी क्रपि लेहकी तोईरे, पर दोई कुतोह, “केहरे क्रपतांई थाह छना कुचे दिह मेच़िमी कटु सिए माह पर इमरिंङ तोह।”

यहून्नो 20:13

दोच़ी मरियमा बि कुतोह, “हे न्वाशा, कांह छिले क्रपातन?” दोई दोतिंङ कुतोह, “दोच़ी गिऊ प्रभु ऊ फुका बि रेंज़ा शिलोर, दंङ गिह्बी पता माह कि अऊंर दोबि केहषी ततो।”

रोमियो 1:3

दि रूठे खबर दोतु योह, हेंदु प्रभु यीशु मसीहू पाहठी तोह। दोऊ जन्म इच्च़ा मीहू रूपारिंङ रज्ज़ा दाऊदो खानदाना रिंङ शुई।

रोमियो 15:12

दंङ यह्च़ा यशायाह भविष्यवक्ता ज़ि पवित्रशास्त्र रिंङ च़ेहसी ततो, यिशै ओ इच्च़ा जड़ प्रगट शोतो। दंङ ऊईजातितु हाकिम शुहबिमी थल्जी इच्च़ा अच़तो दोऊ टोईच़ी ऊईजाति उम्मीद लोहर। कि दोई दोतिंङ बचाएपोतो।

इब्रानियों 7:14

भत्ते ज़ि ञेंहच़ातंई, कि हेंदु प्रभु यीशु मसीह यहूदा खानदानो शुह मूसा ज़ि यहूदा ओ खानदानो अतुला यहुदी पुरोहित बणेक्पिमी पाहठी कांहषी माह दंङ माह अपेहला यहूदा ओ खानदानो बिचंङ अरिया यहुदी पुरोहित बणेंके शुह।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 5:4

दोहथर गेह महस क्रपि लेहतिग, छना कुचे दुह कताब अलज़िमी, ए दोऊ टोईच़ी छि च़ेहसी तोह दोबि खंड्रिमी जोगे अरिला माह हुंच़िरी।

प्रकाशित वाक्य 6:1

दोहथल गेह खंईगा कि कुरच़ा दुह निह्ज मुहरो बिचंङ इच्च़ा युप्ति; दंङ गेह पि श्रींङे प्राणी तु बिचंङ इच्च़ा बि हाऊष रंड्री रेड्रीगा। दोऊ सग गर्जनो ठ्रोह महसे तोहई। दोई कुई, “हेंतेग ईला तुखा बणेक्तु।”

प्रकाशित वाक्य 7:13

दिऊ थल सेंहणा तु बिचंङ ज़ि इच्च़े गेरंङ साते कुई, “दि छंङसी खमज़ेर लेह्चा दि अरि शुह?” दंङ अंऊर च़ि अंज़े शुरे?