प्रकाशित वाक्य 5:13 - लाहौली बाइबिल

¹³ दोहथल गेह स्वर्गंङ, दंङ धरतीऊ टोईच़ी, दंङ धरतीऊ योंहने ज़ि, दंङ समुन्द्रङ भत्ते रचना लहसी चीज़, दंङ भत्ते धिर अंऊ दोऊ अन्द्रेग तोह, दि कुट्री रेड्रीगा, “अतंई हेंज़ी सिंहासनो टोईच़ी बंङज़ा कुरच़ो स्तुति, आदर ए महिमा लोहनि। हमेशा-हमेशा ओ थल्जी लोहनि, छना कुचे दुह भत्ते बे शक्तिशाली तोह।”

प्रकाशित वाक्य 5:13 Iomraidhean Croise

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

रोमियो 16:27

यीशु मसीहू दोरच़ी दू इच्च़ा ए प्रजापति बुद्धिमान परमेश्वरो महिमा हमेशा-हमेशा शुहवा लोहतो। अमीन।

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

फिलिपियों 2:10

कि अंऊ स्वर्गारिंङ ए धरतीऊ टोईच़ी ए धरतीऊ योङ तोतोर, दोरे भत्ते यीशु मिन रि आदर रंड्रीमी थल्जी पुष्टू भारे बंङज़ोर;

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

1 तीमुथियुस 4:16

दि पाहठी खबरदार बंङज़ु कि कांह छना बंङज़ातन दंङ छि सिखाएक्च़ातन, दि गप्पारिंङ पक्‍का बंङज़ु, छना कुचे अगर झांह लोहवा लोहन, दंङ दिऊ नतीज़ा दि शोतो कि कांह दोरच़ी परमेश्वर एनेह कनिंङ ए कनिंङ रेड्रा दोतिंङ न्यायो दोरच़ी बचाएपोतो।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

1 पतरस 5:11

दू हमेशा ओ थल्जी सामर्थशाली रूपा रिंङ राज लोहतो। अमीन।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 5:1

दंङ अंऊ सिंहासनो टोईच़ी बंङज़ा तोहई, गेह दोऊ गुहड़रिंङ इच्च़ा कताब तंङरिगा, अंऊ तोंङ ए धकते च़ेहसी तोहई, दंङ दुह निह्ज़ी मुहर लगाइगी बंद लेह केहषी तोहई।

प्रकाशित वाक्य 5:12

दंङ दोरे जोरे-जोरे कुट्रातेर, “दुह कुरच़ा अतिंङ बलिदान लेह चरच़ातेर, दुह महिमा ओ जोगे तोह। दोऊ अधिकार महस मोह्ड़े तोह। दोऊ ज्ञान महस डुह्गे तोह। दुह महस शाक्तिशाली तोह दंङ दुह महस साहुकार तोह। अतंई हेनर दोऊ आदर लोहनि। अतंई हेंज़ी दोऊ स्तुति लोहनि।”

प्रकाशित वाक्य 5:3

पर माह स्वर्गारिंङ, माह धरती रिंङ, माह धरतीऊ योंहने ज़ि, अरिया दुह कताब अलज़िमी या दोऊ टोईच़ी नज़र केट्रिमी जोगे हुंच़िरी।

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”

प्रकाशित वाक्य 6:16

दंङ गोह ए चटानो हखा कुट्री लेहतिर, “ञेंहतु टोईच़ी दह्चे ईलांई, दंङ ञेंहतु मदत लंहि, ताकि अंऊ दुह सिंहासनो टोईच़ी बंङज़ी तोह, हेंदिंङ खंड्री मरपोतो दंङ कुरच़ो सज़ा ओ दोरच़ी ञेंतिंङ प्याके च़रतुंई।”