प्रकाशित वाक्य 5:12 - लाहौली बाइबिल

¹² दंङ दोरे जोरे-जोरे कुट्रातेर, “दुह कुरच़ा अतिंङ बलिदान लेह चरच़ातेर, दुह महिमा ओ जोगे तोह। दोऊ अधिकार महस मोह्ड़े तोह। दोऊ ज्ञान महस डुह्गे तोह। दुह महस शाक्तिशाली तोह दंङ दुह महस साहुकार तोह। अतंई हेनर दोऊ आदर लोहनि। अतंई हेंज़ी दोऊ स्तुति लोहनि।”

प्रकाशित वाक्य 5:12 Iomraidhean Croise

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

यहून्नो 17:2

छना कुचे केई दोबि भत्ते मीहतु टोहकठे राज लहज़िमी अधिकार रांहषी तातन, कि दोई दोतिंङ अनंत जीवन रमतो, अतिंङ केई दोऊ हवाले लहसी तातन।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

1 तीमुथियुस 1:17

दंङ हेंतेग अनंतकालो रज्ज़ा अंऊ हमेशा ओ थल्जी श्रींङी तोह अपि अच़िला खांई मरपोर, इच्च़ा ए सच्चा परमेश्वरो आदर ए महिमा युगानयुग शुहवा लोहतो। अमीन।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 15:3

दोरे इच्च़ा झांह ठ्रोह गीत कुट्री लेहकी तोईरे छना परमेश्वरो दास मूसा ज़ि महस तुहई कुहषी तहरे। दोच़ी यीशु महिमा लहज़िमी थल्जी, अंऊ कि इच्च़ा कुरच़ो ठ्रोह तोह, झांह ठ्रोह कुई: सर्वशक्तिमान प्रभु परमेश्वर, छिल्ला केई लहसी तातन दुह मोह्ड़े ए अद्धभुत तोह। काह भत्ते देशो रज्ज़ा शुनाह, केई छिल्ला लहज़ातन दुह सच्चा ए धर्मी तोह।

प्रकाशित वाक्य 19:1

अपेहल शक्तिशाली स्वर्गदूते कुट्री बंद लहरी, दिऊ थल गेह छि रेड्रीगा दुह झांह ठ्रोह तोहई छना स्वर्गारिंङ महसे मीहरे कुट्री लेहकी तोतोर, “हालेलूय्याह! उद्धार ए महिमा, दंङ सामर्थ हेंदु परमेश्वरो ए तोह।

प्रकाशित वाक्य 4:11

“हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”

प्रकाशित वाक्य 5:13

दोहथल गेह स्वर्गंङ, दंङ धरतीऊ टोईच़ी, दंङ धरतीऊ योंहने ज़ि, दंङ समुन्द्रङ भत्ते रचना लहसी चीज़, दंङ भत्ते धिर अंऊ दोऊ अन्द्रेग तोह, दि कुट्री रेड्रीगा, “अतंई हेंज़ी सिंहासनो टोईच़ी बंङज़ा कुरच़ो स्तुति, आदर ए महिमा लोहनि। हमेशा-हमेशा ओ थल्जी लोहनि, छना कुचे दुह भत्ते बे शक्तिशाली तोह।”

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।

प्रकाशित वाक्य 5:8

अंऊ मुक्का दोई कताब रैंज़ा शिली ता दुह पि ला प्राणी ए निह्जो पि सेंहणार दुह कुरच़ो तुईज़ी द्चिह इलिरे; दंङ हर इच्च़ा सेंहणा ज़ि इच्च़ा बेंज़ ए ज़ङों बणेषी कोली च़ुमसी ताहरेर। कोली धूपे पिंङषी तोहई अंऊ परमेश्वरो पवित्र मीहतु प्रार्थना बि कंड्रा।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”

प्रकाशित वाक्य 6:1

दोहथल गेह खंईगा कि कुरच़ा दुह निह्ज मुहरो बिचंङ इच्च़ा युप्ति; दंङ गेह पि श्रींङे प्राणी तु बिचंङ इच्च़ा बि हाऊष रंड्री रेड्रीगा। दोऊ सग गर्जनो ठ्रोह महसे तोहई। दोई कुई, “हेंतेग ईला तुखा बणेक्तु।”

प्रकाशित वाक्य 7:12

अमीन! ञेंहच़ी घोषणा लहज़ातंई कि ञेंहतु परमेश्वर महान, सामर्थशाली, ए पराक्रमी, ए ज्ञानवान तोह। अतंई हेनर हमेशा-हमेशा ओ थल्जी दोऊ महिमा लोहनि दंङ दोबि धन्यवाद रमोंई। अमीन।