प्रकाशित वाक्य 4:9 - लाहौली बाइबिल

^9-10 अंऊ सिंहासनो टोईच़ी बंङज़ा तोह, दुह ए तोह अंऊ हमेशा-हमेशा तचेक श्रींङे बंङज़ोतो। अपेहल ला श्रींङे दोच़ी दोबि महिमा, आदर ए धन्यवाद रंड्रातोर, दोहपल निंज़ो पि सेंहणार दोऊ तुईज़ी द्चिह यवातोर, दंङ दोऊ अराधना लहज़ातोर। दंङ दि कुट्रा सिंहासनो तुईज़ी एनातु मुकुट केह्चे केट्रातोर,

प्रकाशित वाक्य 4:9 Iomraidhean Croise

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

इब्रानियों 7:8

पुरोहिता तिंङ हर चीज़ो दसवां हिस्सा खोकसते, पर दोरे मीह शुहबिमी पाहठी सिए यवातेर। मलिकिसिद्क भत्ते धिरो दसवां हिस्सा लेहपच़ते, पर पवित्र शास्त्रे हेंदिंङ कंड्रा कि दुह विशवास तचेक ला श्रींङे तोह।

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 10:6

दंङ अंऊ हमेशा ओ थल्जी श्रींङे तोह, दंङ अच़ि स्वर्ग, धरती ए समुंद्र दंङ दोतु बिचंङ भत्ते धिर बणाषी ततो। दोऊ कसम लहज़ी कुई कि “हेंतेग छिल्ला गप्पो थल्जी ऊई रुमज़ी माह शोतो। हेंतेग दुह भत्ते पूरे शुहचे योतो।”

प्रकाशित वाक्य 21:5

दंङ अंऊ सिंहासनो टोईच़ी बंङज़ा तोहई, दोई कुई, “गेह भत्तेधिर खरकोई लेह केहऊगा।” दंङ यह्च़ा दोई कुई, “चेहई च़रतु, छना कुचे छि गेह कुट्रातग केई दोऊ टोईच़ी विशवास लेह तरपोन, दि गप्पारे ज़रूर पूरा शोर।”

प्रकाशित वाक्य 4:2

ध्वांए परमेश्वरो आत्माज़ि गिह्बी एनोह वशारिंङ लेह च़रति; दंङ “गेह स्वर्गा रिंङ इच्च़ा सिंहासन ए सिंहासनो टोईच़ी अरिया बंङज़ी तंङरिगा।”

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”

प्रकाशित वाक्य 5:1

दंङ अंऊ सिंहासनो टोईच़ी बंङज़ा तोहई, गेह दोऊ गुहड़रिंङ इच्च़ा कताब तंङरिगा, अंऊ तोंङ ए धकते च़ेहसी तोहई, दंङ दुह निह्ज़ी मुहर लगाइगी बंद लेह केहषी तोहई।

प्रकाशित वाक्य 6:16

दंङ गोह ए चटानो हखा कुट्री लेहतिर, “ञेंहतु टोईच़ी दह्चे ईलांई, दंङ ञेंहतु मदत लंहि, ताकि अंऊ दुह सिंहासनो टोईच़ी बंङज़ी तोह, हेंदिंङ खंड्री मरपोतो दंङ कुरच़ो सज़ा ओ दोरच़ी ञेंतिंङ प्याके च़रतुंई।”

प्रकाशित वाक्य 7:15

दिऊ थल्जी ए दोरे परमेश्वरो सिंहासनो तुईज़ी खड़े तोतोर, दोरे हर टेम निरा या रात परमेश्वरो चुंङ दोऊ सेवा लहज़ातोर; दंङ दोतु देखभाल दोऊ दोरच़ी ए शवाह अंऊ सिंहासन टोईच़ी बंङज़ा तोह छना कुचे दुह दोर्तिंङ दोतंङ साते तोह।