प्रकाशित वाक्य 4:6 - लाहौली बाइबिल

⁶ दंङ दुह सिंहासनो तुईज़ी इच्च़ा फर्श तोह अंऊ समुंद्रो ठ्रोह बह्च़े ए अरशीहू ठ्रोह संङा तोह। सिंहासनो पिला हासी पी श्रींङी प्राणी तोतोर, अंऊ दोतु भत्ते फुक टिरे कपषी तोह।

प्रकाशित वाक्य 4:6 Iomraidhean Croise

प्रकाशित वाक्य 14:3

इच्चा लाख निंज़ो पी हजार मीहरे 144,000 सिंहासनो तुईज़ी, दंङ पि श्रींङे प्राणीर ए सेंहणा तु तुईज़ी तोईरे; दोच़ी इच्च़ा खरकोई गीत कुट्रातेर, अतिंङ सिर्फ दोच़ी ए सिखेच़ी तरच़ातेर। सिर्फ दोरे अतिंङ परमेश्वरे धरतीऊ टोईच़ी बंङज़ा मीहतु बिचंङ ज़ि छुड़ाके चरच़ाते।

प्रकाशित वाक्य 15:2

दंङ गेह छा तंङरिगा अतु चौड़ाई समुंद्रो ठ्रोह तोहई, दि मेह च्वासी अरशीहू ठ्रोह तंङफाते। दंङ दुह समुंद्रो मुखंङ अंऊ अरशीहू ठ्रोह तोहई, गेह महस मीहतिंङ खड़े शुहबी तंङरिगा। दोरे, दुह मीहरे तोईरे अच़ि दुह घ्वंणा बि याहरच़ा तेर, छना कुचे दोच़ी दोऊ अराधना लहज़िमी रंङ साते इंकार लेह च़रतिर, दोच़ी दोऊ मुर्ति ऊ अराधना लहज़िमी रंङ साते दंङ दुह गिनती ओ चिन्ह खोकच़िमी दोरच़ी इंकार लेह च़रति अतु मतलब दोऊ मिन शुह। दोरे यहरच़ा दुह समुंद्रो मुखंङ खड़े तोईरे अंऊ अरशीहू ठ्रोह तोहई, दोच़ी दुह तारो ठ्रोह कुलड्रिमी यंत्र च़ुमसी तरेर अंऊ दोतिंङ परमेश्वरो तरफे रांहषी तोहई।

प्रकाशित वाक्य 19:4

दंङ निंज़ो पि सेंहणार ए पि प्राणी ज़ि द्चिह ते परमेश्वरा बि फ्यग लहरिर; अंऊ सिंहासनो टोईच़ी बंङज़ा तोहई, दंङ कुई, “अमीन! परमेश्वरो स्तुति शुहबी जूंस!”

प्रकाशित वाक्य 21:11

शहर परमेश्वरो दोरच़ी खोकसा दुह छंङी रें चमक्केपी लेहकी तोहई, दंङ दोऊ छंङी महस ए मंङे रह्घ मतलब यशब मिन्दु महस बेशकीमती रह्घो ठ्रोह चमकेपी लेहकी तोहई, दंङ अरशीहू ठ्रोह साफ तोहई।

प्रकाशित वाक्य 21:18

शहर मंङे रह्घ ए बणाषी तोहई, अपि यशब ला कुट्री तोहई, शहर शुद्ध ज़ङों दोरच़ी बणाषी तोहई, अंऊ साफ अरशीहू ठ्रोह चमकेक्पाते।

प्रकाशित वाक्य 21:21

सनी पेतंङ ला, इच्च़ा-इच्च़ा मुतिको बणाएषी तोहई, दंङ शहरो सड़का, रूठे ज़ंङ रें बणाषी तोहई अंऊ साफ अरशीहू ठ्रोह चमकेक्पाते।

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 5:11

अपेहल गेह यह्च़ा खंईगा, दंङ अचानक ए गेह लाखो लाख स्वर्गदूता तु सग रेड्रीगा, दोतु गिनती शुहबिमी माह तोहई। दोरे सिहासनो, ए दुह पिला श्रींङे प्राणी तु ए दुह निह्जो पि सेंहणा तु पि ला हासी तोईरे।

प्रकाशित वाक्य 5:14

दंङ पि ला प्राणी ज़ि “अमीन” कुईर! दंङ दोरे सेंहणार कोंङा शुहचे दोऊ अराधना लहज़ी लेहतिर।

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।

प्रकाशित वाक्य 5:8

अंऊ मुक्का दोई कताब रैंज़ा शिली ता दुह पि ला प्राणी ए निह्जो पि सेंहणार दुह कुरच़ो तुईज़ी द्चिह इलिरे; दंङ हर इच्च़ा सेंहणा ज़ि इच्च़ा बेंज़ ए ज़ङों बणेषी कोली च़ुमसी ताहरेर। कोली धूपे पिंङषी तोहई अंऊ परमेश्वरो पवित्र मीहतु प्रार्थना बि कंड्रा।

प्रकाशित वाक्य 6:1

दोहथल गेह खंईगा कि कुरच़ा दुह निह्ज मुहरो बिचंङ इच्च़ा युप्ति; दंङ गेह पि श्रींङे प्राणी तु बिचंङ इच्च़ा बि हाऊष रंड्री रेड्रीगा। दोऊ सग गर्जनो ठ्रोह महसे तोहई। दोई कुई, “हेंतेग ईला तुखा बणेक्तु।”

प्रकाशित वाक्य 6:6

दंङ गेह रेड्रीगा कि दुह पि प्राणी तु बिचंङ इच्च़ा अंऊ मीहू ठ्रोह तोहई, दोई कुट्राते, “इच्च़ा ध्याड़ो ध्याड़ी सिर्फ इच्च़ा किलो टुर, या सिर्फ षुमु किलो छ्वाह च़ुमज़िमी थल्जी झोबड़ी शोतो। पर तेल ए दाखो रसो नुकसान शुहबी थारोंऊ।”

प्रकाशित वाक्य 7:11

भत्ते स्वर्गदूतारे सिंहासनो पिला हासी दंङ सेंहणा ए पि श्रींङी प्राणी तु पिला हासी खड़े तोईरे। दोरे भत्तेर सिंहासनो तुईज़ी मोह्तु भारे कोंङा शुहचे दंङ परमेश्वरो अराधना लहरिर। दोच़ी कुईर,

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”