प्रकाशित वाक्य 4:5 - लाहौली बाइबिल

⁵ दुह सिंहासनो बिचंङ बिजलिऊ गर्जन हुंच़ा दंङ सिंहासनो तुईज़ी मेहू निह्ज संजवा लेहकी तोतोर, दोरे परमेश्वरो निह्ज आत्मा शुरे,

प्रकाशित वाक्य 4:5 Iomraidhean Croise

मत्ती 25:1

दंङ यीशुज़ि एनोह चेला तु हखा कुहतो, अपेहल गेह मीहू योह वापिस अपोग, दोहपल स्वर्र्गो राज दुह सा ब्याह माह लहसी मेच़मीतु ठ्रोह शोतो अरी मशाल कुरच़ा ब्याहू रंङ दोहई दोऊ ब्याहू दोर्तिंङ इलिरे।

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

प्रेरित 2:3

दंङ दोतु तुईज़ी मेहऊ गिहठा लेह ऊ ठ्रोह तोहई तंङफी लेहती, अंऊ इदि-अईदि ओ दोरच़ी शताह शुहचे हर इच्च़ा विशवासी ओ पुंज़ा नहच़ा इलि।

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।

प्रकाशित वाक्य 10:3

दुह स्वर्गदूते जोरे हाऊष रें कुई दंङ दोऊ सग ब्राघो सगो बराबर तोहई। अपेहल दोई हाऊष रेंई, दंङ निह्ज़ी षुमु सगे दोबि जबाब रेंईर, अंऊ गड़गड़ो सगो ठ्रोह तोहई।

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 3:1

“दोई गिऊ हखा दि ला कुई कि” सरदीस शहरो कलीसिया ओ स्वर्गदूता बि दि चेऊ, “कि अतु दोर परमेश्वरो निह्ज़ी आत्मा ए निह्ज़ी कर तोह, दोई कुट्रा, कि गेह कनु कम ञेंच़ातग, कि काह श्रींङे ता तोतोन”, पर सिए इलजी तोतोन।

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।

प्रकाशित वाक्य 8:5

दोहथर स्वर्गदूते धूप कुरच़ा ते दोहरिंङ वेदीऊ टोईच़ी मेह पिंङी च़रतिर, दंङ धरतीऊ टोईच़ी केहच़ी केई, दंङ गर्जन ओ सग ए बिजली ए भुयंल शुहबी लेहती।