प्रकाशित वाक्य 4:2 - लाहौली बाइबिल

² ध्वांए परमेश्वरो आत्माज़ि गिह्बी एनोह वशारिंङ लेह च़रति; दंङ “गेह स्वर्गा रिंङ इच्च़ा सिंहासन ए सिंहासनो टोईच़ी अरिया बंङज़ी तंङरिगा।”

प्रकाशित वाक्य 4:2 Iomraidhean Croise

मत्ती 22:43

दोई दोरे रूहकातो, “दंङ दाऊद आत्मारिंङ शुहचे दोबि प्रभु छिले कुट्रा?

इब्रानियों 8:1

हेंतेग अंऊ गप्पा ञेंहच़ी कुट्रातंई, दोतु बिचंङ भत्ते बे मोह्ड़े सच्चाई दि तोह, कि ञेंहतु कछंङ झांह ठ्रोह यहुदी महापुरोहित तोह, अंऊ हेंतेग ला स्वर्गंङ परमप्रधान परमेश्वरो सिहासन सुचंङ हासी बंङज़ा इलजी तोह,

प्रकाशित वाक्य 1:10

गिह्बी आरामो ध्याड़ारिंङ अईतवारे अंऊ परमेश्वरो ध्याड़ा तोह गेह परमेश्वरो आत्मा च़ि एनोह वशारिंङ लहरी, दंङ गेह घेंङौ थल्जी ऊईतिंङ दि कुट्री रेड्रीगा, अंऊ सुरमेऊ ठ्रोह जोरे संङा सगरंङ साते दि कुट्राते,

प्रकाशित वाक्य 12:5

दंङ दोहथर दोई इच्च़ा योह बि जन्म रांई पर दोबि अजगर ए ज़ेई मरति छना कुचे दोबि ध्वांए खुल्जे च़रति दंङ परमेश्वर ए दोऊ सिंहासनो कछंङ रैंज़ा हति। दुह गंङकटु इच्च़ा नीह्लामो डंडा रंङ साते मतलब भत्ते अधिकारंङ साते भत्ते जाति मीहतु टोईच़ी राज लोहतो।

प्रकाशित वाक्य 17:3

आत्माओ मदते, स्वर्गदूत गिह्बी सुनसान ठहरि रैंज़ा शिली, दंङ गेह दोर्तिंङ इच्च़ा मेच़िमी बि तंङरिगा अंऊ इच्च़ा घ्वंणो टोईच़ी सवार तोहई अंऊ षेह्ई रंगो तोहई। दोऊ निह्ज पुंज़ा ए साह डे तोईरे। दोऊ फुक दुह मिन रें कपषा इलजी तोहई अंऊ दोच़ी परमेश्वरो निन्दा लहज़ातेर।

प्रकाशित वाक्य 19:4

दंङ निंज़ो पि सेंहणार ए पि प्राणी ज़ि द्चिह ते परमेश्वरा बि फ्यग लहरिर; अंऊ सिंहासनो टोईच़ी बंङज़ा तोहई, दंङ कुई, “अमीन! परमेश्वरो स्तुति शुहबी जूंस!”

प्रकाशित वाक्य 20:11

दंङ गेह इच्च़ा छंङी सिंहासन तंङरिगा अतु टोईच़ी परमेश्वर विराजमान तोहई। पर दुह ठहरि अंऊर परमेश्वर विराजमान तोहई, धरती ए स्वर्ग भत्ते योंहंषा शुहचे इलि, दंङ अच़िला दोतिंङ यह्च़ा खंड्री मरतिर।

प्रकाशित वाक्य 21:10

दोहथर परमेश्वरो आत्माज़ि गिह्बी एनोह वशारिंङ लेह च़रति, दंङ स्वर्गदूत गिह्बी इच्च़ा मोह्ड़े ए खेका गोह टोईच़ी रैंज़ा शिली, दंङ पवित्र नगर यरूशलेम बि स्वर्गो दोरच़ी परमेश्वर कछंङ तक्सी कंड्रिरी।

प्रकाशित वाक्य 21:5

दंङ अंऊ सिंहासनो टोईच़ी बंङज़ा तोहई, दोई कुई, “गेह भत्तेधिर खरकोई लेह केहऊगा।” दंङ यह्च़ा दोई कुई, “चेहई च़रतु, छना कुचे छि गेह कुट्रातग केई दोऊ टोईच़ी विशवास लेह तरपोन, दि गप्पारे ज़रूर पूरा शोर।”

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।

प्रकाशित वाक्य 4:5

दुह सिंहासनो बिचंङ बिजलिऊ गर्जन हुंच़ा दंङ सिंहासनो तुईज़ी मेहू निह्ज संजवा लेहकी तोतोर, दोरे परमेश्वरो निह्ज आत्मा शुरे,

प्रकाशित वाक्य 4:9

अंऊ सिंहासनो टोईच़ी बंङज़ा तोह, दुह ए तोह अंऊ हमेशा-हमेशा तचेक श्रींङे बंङज़ोतो। अपेहल ला श्रींङे दोच़ी दोबि महिमा, आदर ए धन्यवाद रंड्रातोर, दोहपल निंज़ो पि सेंहणार दोऊ तुईज़ी द्चिह यवातोर, दंङ दोऊ अराधना लहज़ातोर। दंङ दि कुट्रा सिंहासनो तुईज़ी एनातु मुकुट केह्चे केट्रातोर,

प्रकाशित वाक्य 5:1

दंङ अंऊ सिंहासनो टोईच़ी बंङज़ा तोहई, गेह दोऊ गुहड़रिंङ इच्च़ा कताब तंङरिगा, अंऊ तोंङ ए धकते च़ेहसी तोहई, दंङ दुह निह्ज़ी मुहर लगाइगी बंद लेह केहषी तोहई।

प्रकाशित वाक्य 5:13

दोहथल गेह स्वर्गंङ, दंङ धरतीऊ टोईच़ी, दंङ धरतीऊ योंहने ज़ि, दंङ समुन्द्रङ भत्ते रचना लहसी चीज़, दंङ भत्ते धिर अंऊ दोऊ अन्द्रेग तोह, दि कुट्री रेड्रीगा, “अतंई हेंज़ी सिंहासनो टोईच़ी बंङज़ा कुरच़ो स्तुति, आदर ए महिमा लोहनि। हमेशा-हमेशा ओ थल्जी लोहनि, छना कुचे दुह भत्ते बे शक्तिशाली तोह।”

प्रकाशित वाक्य 6:16

दंङ गोह ए चटानो हखा कुट्री लेहतिर, “ञेंहतु टोईच़ी दह्चे ईलांई, दंङ ञेंहतु मदत लंहि, ताकि अंऊ दुह सिंहासनो टोईच़ी बंङज़ी तोह, हेंदिंङ खंड्री मरपोतो दंङ कुरच़ो सज़ा ओ दोरच़ी ञेंतिंङ प्याके च़रतुंई।”