प्रकाशित वाक्य 4:11 - लाहौली बाइबिल

¹¹ “हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”

प्रकाशित वाक्य 4:11 Iomraidhean Croise

प्रेरित 14:15

“हे मीहरे, केहरे छि लहज़ी लेहकी तोतोन? ञेंहरे ला केहतु ठ्रोह दुख सुख सहन लहज़ा मीहरे शुई, दंङ केतिंङ रूठे खबर सुनाचातोनि, कि केहरे दिह फालतु चीज़ा तु दोरच़ी शत्‌ह शुहचे श्रींङी परमेश्वरो हखा अतंई, अंऊ दोई स्वर्ग, धरती, समुन्द्र दंङ छिला धिर दोर्तिंङ तोह दुह बणाएती।

प्रेरित 17:24

अंऊ परमेश्वर शुह अच़ि संसार ए दोऊ भत्ते चीज़ बणाषी शुह, दुह गुहड़ो बणाषी मंदिरंङ माह बंङज़ी, छना कुचे दुह स्वर्गो ए धरती रिंङ ला प्रभु शुह।

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

इफिसियों 3:9

दंङ गिह्बी दि ब्याके योजना बि भत्ते तिंङ समझाच़िमी थल्जी ला अंङषी तोहई। परमेश्वर अंऊ भत्ते संसारो रचायिता शुह, दोई तुहई शुरूआत बेहच़ी ए दि योजना गुप्त तहसी तते,

इब्रानियों 1:10

दंङ पवित्रशास्त्रे ला कुट्रा कि, “हे प्रभु, भत्ते बे मुण्डा केई धरती बणाएकातन, दंङ स्वर्ग कनु गुह्ट्रो कारीगरी शुह।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

प्रकाशित वाक्य 10:6

दंङ अंऊ हमेशा ओ थल्जी श्रींङे तोह, दंङ अच़ि स्वर्ग, धरती ए समुंद्र दंङ दोतु बिचंङ भत्ते धिर बणाषी ततो। दोऊ कसम लहज़ी कुई कि “हेंतेग छिल्ला गप्पो थल्जी ऊई रुमज़ी माह शोतो। हेंतेग दुह भत्ते पूरे शुहचे योतो।”

प्रकाशित वाक्य 14:7

दोई मोह्ड़े सग रंङ साते कुई, “परमेश्वरा रंङ साते बैईन, दंङ दोऊ हिसाबे दोऊ महिमा लंहि, छना कुचे हेंतेग दोऊ मीहतु फेंसला लहज़िमी टेम पिचे इलजी तोह। दोऊ अराधना लंहि छना कुचे दुह ए तोह, अच़ि स्वर्ग ए धरती, समुंद्र ए तिऊ झरना ओ रचना लहसी शुह।”

प्रकाशित वाक्य 19:1

अपेहल शक्तिशाली स्वर्गदूते कुट्री बंद लहरी, दिऊ थल गेह छि रेड्रीगा दुह झांह ठ्रोह तोहई छना स्वर्गारिंङ महसे मीहरे कुट्री लेहकी तोतोर, “हालेलूय्याह! उद्धार ए महिमा, दंङ सामर्थ हेंदु परमेश्वरो ए तोह।

प्रकाशित वाक्य 5:12

दंङ दोरे जोरे-जोरे कुट्रातेर, “दुह कुरच़ा अतिंङ बलिदान लेह चरच़ातेर, दुह महिमा ओ जोगे तोह। दोऊ अधिकार महस मोह्ड़े तोह। दोऊ ज्ञान महस डुह्गे तोह। दुह महस शाक्तिशाली तोह दंङ दुह महस साहुकार तोह। अतंई हेनर दोऊ आदर लोहनि। अतंई हेंज़ी दोऊ स्तुति लोहनि।”

प्रकाशित वाक्य 5:2

दंङ गेह इच्च़ा बलवन्त स्वर्गदूता बि तंङरिगा अंऊ जोरे सग लहच़ी दि प्रचार लहज़ी लेहकी तोहई, “दि कताबो मुहर अलज़िमी ए कताब युप्च़िमी जोगे अरि तोह?”

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”