प्रकाशित वाक्य 4:1 - लाहौली बाइबिल

¹ दि भत्ते गप्पा खंड्रिमी थल, गेह स्वर्गो इच्च़ा पेतंङ अलसी तंङरिगा। दंङ अरिया गिऊ हखा गप्पा लहज़ी लेहकी तोहई दंङ कुट्रा दुह ए तोहई अतिंङ गेह तुहई ला रेड्रातेग, अतु सग तुरही सगो ठ्रोह तोहई। दंङ दोई गिऊ हखा कुई, “गिऊ कछंङ देर खेका अता: दंङ गेह कनिंङ दुह गप्पा कमोग, अतु दिह गप्पो थल पूरा शुहबी ज़रूरी तोह।”

प्रकाशित वाक्य 4:1 Iomraidhean Croise

मत्ती 3:16

दंङ यीशु बपतिस्मा लेहपच़ा दोहथरे तिरिंङ ज़ि हुंज़ा धक्तेक्का अति, दंङ दोऊ थल्जी सर्ग अल्सा इलि, दंङ दोई परमेश्वरो आत्मा कबूतरो ठ्रोह तहकसी एनोह टोईच़ी अपि तंङतो।

मरकुसो 1:10

अंऊ मुका यीशु ती ज़ि हुंच़े तोरिंङ अति, दोहथल दोई सर्ग अल्सी दंङ पवित्र आत्मा कबूतरो ठ्रोह एनोह टोईच़ी अपि तंङतो।

लूको 3:21

अपेहल भत्ते मीहज़ी बपतिस्मा लेहप्ती, दंङ यीशु ला बपतिस्मा लेहपच़ा प्रार्थना लहज़ी लेहकी तोहई दुह मुका स्वर्ग अल्सा इलि,

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

प्रेरित 10:11

दंङ दोई खांई कि सर्ग अलसा इलज़ा; दंङ इच्च़ा मोह्ड़े चादरो ठ्रोह चीज़, पिला कुंणीऊ दोरच़ी टोमषी धरतीऊ हखा तक्सी लेह्की तोह।

प्रेरित 7:56

“खंणुई, गेह स्वर्गा बि अलसा, ए मीहू योह बि परमेश्वरो सुचंङ हासी खड़े खंड्री लेहकी तोतोग।”

प्रकाशित वाक्य 1:10

गिह्बी आरामो ध्याड़ारिंङ अईतवारे अंऊ परमेश्वरो ध्याड़ा तोह गेह परमेश्वरो आत्मा च़ि एनोह वशारिंङ लहरी, दंङ गेह घेंङौ थल्जी ऊईतिंङ दि कुट्री रेड्रीगा, अंऊ सुरमेऊ ठ्रोह जोरे संङा सगरंङ साते दि कुट्राते,

प्रकाशित वाक्य 1:12

गेह दि खंड्रिमी थल्जी थलका यहच़िगा कि अरिया गेरंङ साते गप्पा लहज़ा। अपेहल गेह किरज़े इलिगा, दंङ गेह ज़ङों निह्ज दिवट संजवा रंङ साते खंईगा,

प्रकाशित वाक्य 1:19

झांह लेह अंऊ गप्पारे थले शुहबी तोह, दुह भत्ते चे च़रतु।

प्रकाशित वाक्य 11:12

दोऊ थल, दुह झुह्ट मीहच़ी सर्गो दोरच़ी इच्च़ा सग रेड्रीर, अच़ि दोकु तिंङ जोरे हाऊष रेंई दंङ कुई, “देर खेका अतंई!” अपेहल दोतु बैरी खंड्रा तोईरे, दोहथर दोरे इच्च़ा डुह चोक्सा खेका स्वर्गो हखा अच़ा इलिर।

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 16:17

सातवें स्वर्गदूते अंऊ दोऊ कोली रिंङ तोहई दोबि लन्न दि थोरच़ी च़रति, दंङ गेह स्वर्गो मंदिरो अंदरेग च़ि परमेश्वरो सिंहासनो दोरच़ी अतिंङ आ जोरे कुट्री रेड्रीगा, “पूरा शुहचे इलि!”

प्रकाशित वाक्य 19:11

दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”