प्रकाशित वाक्य 3:8 - लाहौली बाइबिल

⁸ गेह ञेंच़ातग कि केई छि लहज़ातन, केई छना ठ्रोह मेहनत लहज़ातन दंङ अपेहल ला हार माह मनेक्च़ातंई, रेड्रुं गेह दि ला ञेंच़ातग कि कनिंङ थोड़े अरे हिम्मत तोह, पर तांला केई गिऊ कुहषी गप्पो टोईच़ी विशवास लहज़ातन दंङ केई दि गप्पो दोरच़ी इंकार माह लहन कि केई गिऊ टोईच़ी विशवास लहज़ातन। दिऊ थल्जी गेह केहतु तुईज़ी इच्च़ा तोंखा इबिमी पेतंङ अल्ज़े केहतग, अपि अच़िला बंद लेह मारपोतो।

प्रकाशित वाक्य 3:8 Iomraidhean Croise

लूको 12:9

पर अंऊ ला मीहतु तुईज़ी गिऊ इन्कार लोहतो दोऊ परमेश्वरो स्वर्गदूतो तुईज़ी ला इन्कार लोहग।”

यहून्नो 15:20

हिद ताईन कि गेह केतंङ साते छि कुहतेग, परगर एनोह मालिका बे मोह्ड़े माह शुहबी, दोबि हिद तांई, अगर दोच़ी गिह्बी तंग लहतोर, ता केतिंङ ला तंग लोहर; अगर दोच़ी गिऊ शिक्षा मनेक्तिर, ता केहतु ला मनेक्पोर।

यहून्नो 17:6

केई अंऊ मीहरे संसारो दोरच़ी अंङे गिह्बी रेंईन, दोतु बिचंङ गेह कांह मिन कांहषी तातग। दोरे कांह तोईर, केई दोरे गिह्बी रेंईन दंङ दोच़ी कांह शिक्षा मनेक्तिर।

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

1 कुरिन्थियों 16:9

छना कुचे हेंतेग ला देर महस मीहरे तोतोर अंऊ परमेश्वरो बचन रेड्री तातोर, दंङ गिऊ देहर बंङज़ी महस फायदा तोह। हालांकि देर परमेश्वरो महस विरोधी ला तोतोर।

2 कुरिन्थियों 2:12

अपेहल गेह त्रोआस शहरा रिंङ मसीहू रूठे खबरो प्रचार लहज़ी अति, दंङ दोहर परमेश्वरे गिह्बी रूठे खबर प्रचार लहज़िमी मोह्ड़े मोका प्रदान लहरी।

फिलिपियों 4:13

मसीहू दोरच़ी अंऊ गिह्बी दोई सामर्थ रंड्रा दोऊ मदते गेह भत्ते धिर ले तरच़ातग।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

1 तीमुथियुस 5:8

पर अरिया एनोह नातातु, खासकर एनोह टबरातु देखभाल माह लोहतो, दंङ दोई विशवास छोड़ेके केहतो, दंङ अविशवासी बे ला मदम बड़ेकी इलज़ा।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।

प्रकाशित वाक्य 2:2

गेह ञेंहच़ातग कि केई छि लहज़ातन, केई छना मेहनत लहज़ातन दंङ अपेहल ला हार माह मनेक्च़ातंई, दंङ काह मदम मीहतु हप्सी शिक्षा सहन माह लहज़ातन। केई दुह मीहतिंङ परखेकतन अंऊ दोच़ी कुट्रातोर कि दोरे प्रेरित शुरे पर हेलेरिङ तोतोर माह, दंङ केई दोतिंङ हप्साड़ खोकषातन।

प्रकाशित वाक्य 22:7

“दंङ खंणु, गेह युरनाह अपिमी तोतोग; धन्य तोह दुह, अंऊ दि कताबंङ च़ेहसी भविष्यवाणी ओ गप्पा मनेक्च़ा।”

प्रकाशित वाक्य 3:1

“दोई गिऊ हखा दि ला कुई कि” सरदीस शहरो कलीसिया ओ स्वर्गदूता बि दि चेऊ, “कि अतु दोर परमेश्वरो निह्ज़ी आत्मा ए निह्ज़ी कर तोह, दोई कुट्रा, कि गेह कनु कम ञेंच़ातग, कि काह श्रींङे ता तोतोन”, पर सिए इलजी तोतोन।

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।

प्रकाशित वाक्य 3:15

गेह कनु कम रूठे रंङ ञेंच़ातग कि गेह ञेंच़ातग गिह्बी पता तोह कि काह माह ता गिऊ टोईच़ी केनोह विशवासो दोरच़ी इंकार लहज़ातन दंङ माह ए गिह्बी भत्ते सेहमे दाह लहज़ातन। गेह जुंज़ातग कि या ता केई गिऊ इंकार लोह या गेरंङ साते भत्ते सेहमे दाह लोह।

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,