प्रकाशित वाक्य 3:5 - लाहौली बाइबिल

⁵ अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।

प्रकाशित वाक्य 3:5 Iomraidhean Croise

मत्ती 10:32

अच्च़ी लाह मीहतु तुईज़ी कुट्रातोर कि दोरे गिऊ चेलार शुहर, दंङ गेह लाह दोबि घेंङौ स्वर्गीय बाहऊ तुईज़ी घेंङौ चेला मनेक्पोग।

लूको 10:20

पर दिरंङ खुश था शुई कि मांजी आत्मारे केहतु हुकुम मनेक्च़ातेर, पर दिरंङ खुश शुई कि केहतु मिन स्वर्गंङ च़ेहसी तोद।”

लूको 12:8

“गेह केतंङ साते कुट्रातग अंऊ ला गिह्बी मीहतु तुईज़ी कुट्रातोर कि दोरे गिऊ चेलार शुहर ता दोबि गेह मीहू योह ला परमेश्वर ओ स्वर्गदूता तु तुईज़ी मनेक्पोग।

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 19:8

“परमेश्वरे दोबि साफ चमकदार मलमलो खमज़ेर लेहच़िमी थल्जी रें च़रति। मलमल दुह रूठे कमा बि दर्शाएच़ा अंऊ परमेश्वरो मीहच़ी लहज़ातोर।”

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।

प्रकाशित वाक्य 21:27

पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 22:19

दंङ अगर केरे दि कताबो भविष्यवाणी ओ खबरो बिचंङ ज़ि छिल्ला हुंपातंई दंङ परमेश्वर केहतु दोरच़ी दुह आशीषर रैंज़ा शोतो अतु गप्पा दि कताबा रिंङ लहसी तोह। परमेश्वर जीवनो बुटो फला बि ज़ेइमी ए पवित्र शहरा रिंङ बंङज़िमी केहतु अधिकार ला रैंज़ा शोतो।

प्रकाशित वाक्य 3:12

अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।

प्रकाशित वाक्य 3:4

पर हाँ, सरदीस शहरो केहतु बिचंङ रे मीहरे तोतोर, अंऊ दोच़ी विशवासी तु ठ्रोह रूठे जीवन श्रींङमातोर। दोरे रूठे खमज़ेर लेहकी ते गेरंङ साते ज़ोजातेर छना कुचे दोरे दिऊ जोगे तोतोर।

प्रकाशित वाक्य 6:11

दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”