प्रकाशित वाक्य 3:4 - लाहौली बाइबिल

⁴ पर हाँ, सरदीस शहरो केहतु बिचंङ रे मीहरे तोतोर, अंऊ दोच़ी विशवासी तु ठ्रोह रूठे जीवन श्रींङमातोर। दोरे रूठे खमज़ेर लेहकी ते गेरंङ साते ज़ोजातेर छना कुचे दोरे दिऊ जोगे तोतोर।

प्रकाशित वाक्य 3:4 Iomraidhean Croise

मत्ती 10:11

अंऊ ला नगरंङ ए इलाकारिंङ योंई ता पता लगाएतुंई कि अरी मीह जोगे तोह? अपेहल तचेक दुह नगरंङ ज़ि माह हुंजोंई, दोऊ दोरे बंङज़ुंई।

मरकुसो 16:5

कब्रों अंद्रेग इलजे दोरच़ी इच्च़ा जवान बि छंङसे खमज़े लेहच़ा सुचंङ हासी बंङज़े खंणी, दंङ महस ए हेरान शुहचे इलि।

लूको 20:35

पर अंऊ दिऊ जोगे शोर कि सीमी दोरच़ी श्रींङी योहर, दोतु बिचंङ ब्याह माह शोतो।

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

2 थिस्सलुनीकियों 1:5

दिह भत्ते परमेश्वरो सच्चे फेंसला ओ साफ सबूत तोह, कि केरे परमेश्वरो राज्यो जोगे शुई, अतु थल्जी केहच़ी भत्ते ज़ि दुख उठाएच़ातंई।

यहूदा 1:23

रें ऊई मीहरे अंऊ दोच़ी केहच़ी ञेंहच़ातंई, दोरे नरको हखा यवातोर। दोतिंङ दुह अनंत मेहू दोरच़ी युरनाह बचाके च़रतुंई। दंङ ऊईतु थल्जी दया कंड्रेई पर खबरदार बंङज़ुंई, दोतु ठ्रोह पाप थालंही। देर तचेक कि दुह खमज़ेतंङ साते ला नफरत लंहि अंऊ दोर्तिंङ दोच़ी एनोह पापमय कमो दोरच़ी दाग लगाएकातेर।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 11:13

दंङ दुह ए मुक्का यरूशलेम शहरा रिंङ इच्च़ा मोह्ड़े भुयंल इलि, दंङ शहरो इमारतो दसवां हिस्सा द्चिह इलि; दंङ दुह भुयंलरिङ निह्ज हज़ार मीहरे सिए इलिर, दंङ अंऊ मीहरे बचेकी इलिर, दोरे वेवा ते क्रपि लेहतिर दंङ दुह मोह्ड़े परमेश्वरो महिमा लहज़ी लेहतिर अंऊ सर्गंङ तोहई।

प्रकाशित वाक्य 14:4

दिरे दोरे शुरे अंऊ दोच़ी पवित्र जीवन श्रींङमोंई, दिरे दुह मीहतु ठ्रोह तोतोर अच़ि इच्च़ा फेरा ला अंऊ मेच़िमी तंङ साते अशुद्ध कम माह लहरिर, दंङ माह ए दोच़ी अपेहला छा चीज़ो पूजा लहरिर, दिरे सिर्फ कुरच़ो ए अराधना लहज़ातोर, अंऊर ला कुरच़ा यवात। दिरे मीहरे दोरे शुरे अंऊ दोतिंङ धरतीऊ भत्ते मीहतु दोरच़ी शत्‌ह लहसी शुह। छना मीहच़ी एनोह रिहू भत्ते बे रूठे हिस्सा परमेश्वराबि रंड्री ध्वांए दिरे मीहरे ला एनोह जीवना बि भत्ते पवित्रता रंङ साते परमेश्वर ए कुरच़ा बि रंड्रातोर।

प्रकाशित वाक्य 19:14

स्वर्गंङ ज़ि मोह्ड़े सैनिका तु भीड़ दोऊ थलेच़ि जोज़ी लेहती। दिरे सेनिक छंङसी रहंङों टोईच़ी सवार तोईरे दंङ दोच़ी शुद्ध छंङसी खमज़ेर लेहसी तातोर।

प्रकाशित वाक्य 19:8

“परमेश्वरे दोबि साफ चमकदार मलमलो खमज़ेर लेहच़िमी थल्जी रें च़रति। मलमल दुह रूठे कमा बि दर्शाएच़ा अंऊ परमेश्वरो मीहच़ी लहज़ातोर।”

प्रकाशित वाक्य 3:18

झांह लेह गेह कनिंङ खबरदार लहज़ातग कि कनिंङ गिऊ दोरच़ी रूठे ज़ंङ च़ुमसी लेह्पोतो ताकि काह हेले रिंङ साहुकार बणेंके तरपोन। कनिंङ गिऊ दोरच़ी लेहच़िमी थल्जी छंङसी खमज़ेर ला च़ुमज़ि जूंशी तोह ताकि कनु फुक कपषा बंङज़तो दंङ काह शर्मिन्दा शुहबी मेस। दंङ कनिंङ केनोह टिरो इलाज लहज़िमी थल्जी गिऊ दोरच़ी अव्षत ला च़ुमज़ि जूंशी तोह ताकि केई खंड्री तरपोन।

प्रकाशित वाक्य 3:5

अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 6:11

दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।