प्रकाशित वाक्य 3:3 - लाहौली बाइबिल

³ दुह शिक्षा बि हिद लोह अंऊ केई महस तुहई रेड्री तातन दंङ विशवास लाहतेन। छि कनिंङ सिखासी तोह दोऊ हिद लोह, केनोह बेपरवाही दोरच़ी पश्चाताप लोह। अगर काह बेपरवाही लहज़ी जारी तहज़ातन दंङ गेह अचानक अपोग, छना इच्च़ा चोर अपा, दंङ केई दुह टेम ला माह ञेंहच़ातन अपेहल गेह कनिंङ सज़ा रंड्रीमी थल्जी अपोग।

प्रकाशित वाक्य 3:3 Iomraidhean Croise

मत्ती 25:13

दिऊ थल्जी चेहके तोंई, छना कुंई साते ता केहच़ी गिऊ वापिस अपिमी ध्याड़ा माह ञेंहई, माह दुह टेम अपेहल अपतो।

मरकुसो 13:33

रेड्रुंई, चेहकी ए प्रार्थना लोहा लोहु; छना कुंई साते ता केहच़ी माञेंनी कि दुह टेम अपेहल अपतो।

मरकुसो 13:36

झांह शुबी मेस कि दुह अचानक अंज़े दंङ केतिंङ इमरिंङ खमतो।

1 थिस्सलुनीकियों 5:2

केहच़ी केनाच़ि ठीक ञेंच़ातंई कि छना राता रिंङ चोर अचानक अपा ध्वांए दुह ध्याड़ा अपतो अपेहल प्रभु यीशु वापिस अपतो।

1 तीमुथियुस 6:20

हे तीमुथियुस अंऊ कम परमेश्वरे कनिंङ रांहषी ततो दोतु रखवाली लोह। झांह ठ्रोह भक्तिमेह ए मुर्खता ओ गप्पा ए शिक्षा ओ दोरच़ी ऊईतार बंङज़ु अंऊ परमेश्वरो सच्चे शिक्षा ओ विरोध लहज़ातोर, अतिंङ दोच़ी गलत तरीका रंङ साते “शिक्षा” कुट्रातोर।

2 तीमुथियुस 1:13

अंऊ सच्चाई ओ शिक्षा केई गिऊ दोरच़ी खोकशातन, दोबि दुह विशवास ए दाह रिंङ, अंऊ यीशु मसीह रिंङ बसेके तोह, केनोह नमूना बणेंके तोह।

इब्रानियों 2:1

झांह लेह हेंदिंङ अंऊ खबर खोकसते, दोऊ टोईच़ी रूठे रंङ ध्यान रंड्री जूंशी तोह। झांह शुहबी मेस कि हेनर सच्चाई ओ दोरच़ी भटकेगी योंई।

2 पतरस 1:13

हेंदु प्रभु यीशु मसीह ज़ि गिह्बी साफ लेह चरच़तो कि गेह युरनाह सिए योग। झांह लेह गिह्बी च़ेहसी लेहकी तोह कि गिऊ थल्जी दि ठीक तोह कि अपेहल तचेक गेह श्रींङी तोतोग दंङ गेह धोंण तचेक केतिंङ दुह चीज़ तु पाहठी हिद रम्मा लोहग।

2 पतरस 3:1

हे गिऊ प्यारे साथी विशवासी रे, एंतेग गेह केतिंङ दि दूसरी पत्री चेहच़ातग, गेह केतिंङ दि झुल्ला पत्री दिऊ थल्जी च़ेहसी तातग कि ताकि अंऊ गप्पारे केहच़ी तुहई बेहच़ी ञेंच़ातंई कि, दोतु पाहठी केतिंङ हिद दिलाएच़िमी दोरच़ी गेह केहतु सेहमरिंङ शुद्ध विचार पैदा लेह तरपोग।

2 पतरस 3:10

पर मसीह हेले रिंङ वापिस अपतो। दुह अचानक ए अपतो, छना अरिया चोर अचानक ए अच़ा आपत। दुह मुक्का सर्गंङ गड़गड़ो सग शोतो, दंङ सर्ग ब्याके शुहचे योतो। सर्गा रिंङ भत्ते धिर मतलब ऐके, लचंङ ए कर रोह्षा योर। दुह मुक्का परमेश्वर दुह भत्ते कम प्रगट लेह च़रपोतो अंऊ मीहच़ी लहसी तातोर ताकि दोतु न्याय लेह तरपोतो।

प्रकाशित वाक्य 16:15

मांजी आत्माज़ि अधिकारी तिंङ ए दोतु सेना बि दुह ठहरि ठ्रोहका लहरिर अतिंङ इब्रानी भाषारिंङ हर मगिदोन ला कुट्री। दिऊ थल्जी प्रभु यीशु ज़ि कुहषी ततो, “दि गप्पा रेड्रुंई। गिऊ अपि चोर अपिमी ठ्रोह अचानक शोतो। धन्य तोह दुह मीह अंऊ गिऊ अपिमी मुक्का चेहके बंङज़तो, दंङ एनोह खमज़ेर तेयार तोहतो। दोहथर दोरे नंङटे माह शोर दंङ छिल्ला दोतिंङ शर्मिन्दा माह लोहतो चाहे दोरे धकते महस मीहतु बिचंङ ला योर।”

प्रकाशित वाक्य 2:5

झांह लेह हिद लोह कि द्हपिमी बे तुहई काह अंऊर तोईन। कनिंङ पाप लेह बंद लहज़ी जूंशी तोह दंङ केनोह जीवन ध्वांए ठ्रोह श्रींङमी जूंशी तोह छना काह गिऊ टोईच़ी विशवास लहज़िमी तुहईबे श्रींङमातेंई। दंङ अगर काह सेहम माह किर्ज़ोंन दंङ गेह कनु कछंङ अपोग दंङ अंऊर कांह दिवट केहषी तोह दोबि दोरच़ी ऐखा लहज़ी ते कनिंङ सज़ा रमोग।

प्रकाशित वाक्य 22:7

“दंङ खंणु, गेह युरनाह अपिमी तोतोग; धन्य तोह दुह, अंऊ दि कताबंङ च़ेहसी भविष्यवाणी ओ गप्पा मनेक्च़ा।”

प्रकाशित वाक्य 3:11

गेह युरनाह अपिमी तोतोग, झांह लेह, कनिंङ गिऊ टोईच़ी पक्‍का विशवास लेह जारी तहच़ि जूंशी तोह, ताकि अरिला कनिंङ कांह जीतो ईनाम अंऊ इच्च़ा मुकुटो ठ्रोह तोह खोकच़िमी रूकावट लेह माह जूंस।

प्रकाशित वाक्य 3:19

गेह दुह मीहतिंङ रैहच़तो दंङ दोतिंङ अनुशासित लहज़ातग, अतंङ साते गेह दाह लहज़ातग। झांह लेह सही कम लहज़िमी थल्जी जोशिला शुहचे बंङज़ेंई, दंङ गुनगुना शुहबी रंङ पश्चाताप लंहि।

प्रकाशित वाक्य 3:2

दिऊ थल्जी अच़ा इलांई! गिऊ टोईच़ी केहतु अंयों ला विशवास ऊई बचेकी तोह, दोबि पक्‍का लंहि, ताकि दि बिल्कुल ए योह्सा इबि मेस। गेह ञेंच़ातग कि कांह कमी महस तोह छना कुचे केई छि लहज़ातन परमेश्वर दोरंङ साते खुश माह।