प्रकाशित वाक्य 3:21 - लाहौली बाइबिल

²¹ अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।

प्रकाशित वाक्य 3:21 Iomraidhean Croise

मत्ती 19:28

यीशुज़ि दोतंङ साते कुहतो, “गेह केतंङ हेले कुट्रातग कि खरकोई संसारारंङ अपेहल गेह मीहू योह घेंङौ महिमो सिहासनंङ बंङज़ोग दंङ केरेला अरी गिऊ थले अंज़े तोहतोंई सनी सिहासनो टोईच़ी बंङज़ा सनी गोत्रातु इंसाफ लोहंई।

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

लूको 22:30

ताकि केहच़ी गिऊ राज्यरिंङ गेरंङ साते जोओनी ए तुंङमोंई देर तचेक कि सिहासनंङ बंङज़ा इस्राएलो सनी खानदानो न्याय लोहनी।

यहून्नो 13:32

दंङ परमेश्वरे ला योहू महिमा लोहतो दंङ दोई युरनाह लोहतो।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

2 तीमुथियुस 2:12

अगर हेनर दोऊ थल्जी दुख सहन लोहनि ता, दंङ हेनर दोरंङ साते रज्ज़ा ओ ठ्रोह राज ला लोहनि। अगर हेंज़ि कोंई कि ञेंहच़ी मसीह बि माह ञेंहनि दंङ दोई ला कोहतो कि हेनर दोऊ माह शुई।

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 5:10

“दंङ दोतिंङ हेंदु परमेश्वरो थल्जी केई झांह ठ्रोह मीह बणाके चरच़ातन अंऊ दोतु टोईच़ी हेंदु परमेश्वरे राज लहज़ा, दंङ झांह ठ्रोह पुरोहित बणाएक्ते अंऊ दोऊ सेवा लहज़ातोर, दंङ दोरे धरतीऊ टोईच़ी राज लोहरे।”

प्रकाशित वाक्य 6:2

दोहपल गेह इच्च़ा छंङसी रहंङ तंङरिगा। दंङ अंऊ दोऊ टोईच़ी सवार तोहई दोई धनुष कुरच़ा ततो: दुह स्वर्गो धकते धरती ओ टोईच़ी अच़ा इलि, दोऊ ठ्रोह अंऊ तुहई ए द्रक्शे इलजी तोह, दंङ यह्च़ा द्रक्शे योतो।

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”