प्रकाशित वाक्य 3:19 - लाहौली बाइबिल

¹⁹ गेह दुह मीहतिंङ रैहच़तो दंङ दोतिंङ अनुशासित लहज़ातग, अतंङ साते गेह दाह लहज़ातग। झांह लेह सही कम लहज़िमी थल्जी जोशिला शुहचे बंङज़ेंई, दंङ गुनगुना शुहबी रंङ पश्चाताप लंहि।

प्रकाशित वाक्य 3:19 Iomraidhean Croise

मत्ती 25:7

दंङ दोरे भत्ते कुंवारिरे एनातु मशाल ठीक लहज़ी लहरिरे।

यहून्नो 2:17

दंङ यीशु ऊ चेला तिंङ हिद अति कि पवित्र शास्त्रा रिंङ च़ेहसी तोह, कांह चुंङो भक्ति गिऊ अंद्रेग मेहू ठ्रोह लेहपा।

रोमियो 12:11

महस मेहनत लंहि दंङ आलसी थाशुंई आत्मिक खुशी रिंङ बणेंके बंङज़ुंई; भत्ते सेहमे परमेश्वरो सेवा लोहवा लंहि।

1 कुरिन्थियों 11:32

अगर प्रभु हेंदिंङ झांह ठ्रोह सज़ा रंड्रा, ता दोई हेनर सुधारेच़ा, ताकि न्यायो ध्याड़ा रिंङ हेनर संसारो ऊई मीहतंङ साते सज़ा ओ भागीदार माह शोंई।

2 कुरिन्थियों 6:9

रें मीहच़ी हेनर खास ञेंहच़ातोर, पर रें मीहरे हेंदिंङ अंजान ए सिए दोतु बराबर समझेक्च़ातोर दंङ यह्च़ा खंई, हेनर श्रींङे तोतोंई; हेंदिंङ सज़ा ता खोकसी पर हेंदु जहान लेहपच़ी मरच़ि।

2 कुरिन्थियों 7:11

तांला रेड्रुंई, दिए गप्पो दोरच़ी कि दू दुख, अंऊ परमेश्वर केतिंङ महसूस लहज़ी जुंज़ा। दोऊ दोरच़ी केतिंङ अंयों हिम्मत, दंङ सच्चाई कंड्रिमी थल्जी तेयार, बेह्द, गिह्बी खंड्रिमी हिटी, मेहनत, दंङ न्याय चुकाच़िमी धोंण हिटी; झांह लेह केहच़ी दि मामलारिंङ भत्ते पाहठी निर्दोष शुहबिमी प्रमाण रांहषी तातंई।

गलातियों 4:18

हमेशा ए रूठे मकसदो थल्जी खुश शुहबी रूठे तोह पर सिर्फ दू टेमारिंङ मशत, अपेहल गेह केहतु बिचंङ मौजूद शवाहतग।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

प्रकाशित वाक्य 2:5

झांह लेह हिद लोह कि द्हपिमी बे तुहई काह अंऊर तोईन। कनिंङ पाप लेह बंद लहज़ी जूंशी तोह दंङ केनोह जीवन ध्वांए ठ्रोह श्रींङमी जूंशी तोह छना काह गिऊ टोईच़ी विशवास लहज़िमी तुहईबे श्रींङमातेंई। दंङ अगर काह सेहम माह किर्ज़ोंन दंङ गेह कनु कछंङ अपोग दंङ अंऊर कांह दिवट केहषी तोह दोबि दोरच़ी ऐखा लहज़ी ते कनिंङ सज़ा रमोग।