प्रकाशित वाक्य 3:18 - लाहौली बाइबिल18 झांह लेह गेह कनिंङ खबरदार लहज़ातग कि कनिंङ गिऊ दोरच़ी रूठे ज़ंङ च़ुमसी लेह्पोतो ताकि काह हेले रिंङ साहुकार बणेंके तरपोन। कनिंङ गिऊ दोरच़ी लेहच़िमी थल्जी छंङसी खमज़ेर ला च़ुमज़ि जूंशी तोह ताकि कनु फुक कपषा बंङज़तो दंङ काह शर्मिन्दा शुहबी मेस। दंङ कनिंङ केनोह टिरो इलाज लहज़िमी थल्जी गिऊ दोरच़ी अव्षत ला च़ुमज़ि जूंशी तोह ताकि केई खंड्री तरपोन। Faic an caibideil |
प्रकाशित वाक्य 3:18
34 Iomraidhean Croise
दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।
मांजी आत्माज़ि अधिकारी तिंङ ए दोतु सेना बि दुह ठहरि ठ्रोहका लहरिर अतिंङ इब्रानी भाषारिंङ हर मगिदोन ला कुट्री। दिऊ थल्जी प्रभु यीशु ज़ि कुहषी ततो, “दि गप्पा रेड्रुंई। गिऊ अपि चोर अपिमी ठ्रोह अचानक शोतो। धन्य तोह दुह मीह अंऊ गिऊ अपिमी मुक्का चेहके बंङज़तो, दंङ एनोह खमज़ेर तेयार तोहतो। दोहथर दोरे नंङटे माह शोर दंङ छिल्ला दोतिंङ शर्मिन्दा माह लोहतो चाहे दोरे धकते महस मीहतु बिचंङ ला योर।”
केई चेहच़ातन कि काह साहुकार तोतोन दंङ कांह कछंङ दुह भत्ते तोह अतु कनिंङ ज़रूरत तोह, पर हेले दि तोह कि काह कांणे तु ठ्रोह तोतोन, केई माह ञेंच़ातन कि काह हेले रिंङ छना ठ्रोह तोतोन। कनु टोईच़ी तरस अपि जूंस छना कुचे काह गरीब तोतोन, दिऊ मतलब दि तोह कि कनु अंदरेग विशवासो कमी तोह। काह दुह मीहतु ठ्रोह तोतोन अतु दोर खमज़ेर माह तोतोर।
Sanasan