प्रकाशित वाक्य 3:17 - लाहौली बाइबिल

¹⁷ केई चेहच़ातन कि काह साहुकार तोतोन दंङ कांह कछंङ दुह भत्ते तोह अतु कनिंङ ज़रूरत तोह, पर हेले दि तोह कि काह कांणे तु ठ्रोह तोतोन, केई माह ञेंच़ातन कि काह हेले रिंङ छना ठ्रोह तोतोन। कनु टोईच़ी तरस अपि जूंस छना कुचे काह गरीब तोतोन, दिऊ मतलब दि तोह कि कनु अंदरेग विशवासो कमी तोह। काह दुह मीहतु ठ्रोह तोतोन अतु दोर खमज़ेर माह तोतोर।

प्रकाशित वाक्य 3:17 Iomraidhean Croise

मत्ती 5:3

“धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।

मत्ती 9:12

यीशुज़ि दी रेड्रा दोतंङ साते कुतोह, “लहरज़े ठीक मीहतु थल्जी मशुहद्ध पर टेहची दोतु थल्जी शुहबी।

लूको 1:53

दोई योंई मीहतिंङ रुठे चीज़ङ साते कापि लहरी, दंङ साहुकारातिंङ सल्ज़ी गुट्री हुंच़े च़रति।

लूको 6:24

यीशुज़ि यह्च़ा कुहतो, धिक्कार केहतु टोईच़ी अंऊ केहरे साहुकार तोतोंई, केहतु थल्जी दुखो ध्याड़ा अपतो छना कुचे केतिंङ तुहई ए भत्ते सुख खोकसा इलज़ा।

रोमियो 11:20

दि हेले शुह, दू ता अविशवासो वहज़ा ज़ि थक्शी केई, पर कांह विशवास रंङ बड़ेकी बंङज़ातोन दिऊ थल्जी घमण्डी शुह, पर बेह्द चेहतु।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 12:3

छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

रोमियो 7:24

गेह छि ठ्रोह बदकिस्मत मीह शुगाह! दि मौतो अधीन बंङज़ा फुको दोरच़ी गिह्बी अच़ि मुक्त लोहतो?

2 पतरस 1:9

पर अतु अंदरेग दि गुण माह दुह, दू मीहू ठ्रोह तोह अतु नज़र धोंण कमज़ोर तोह कि दोई खंड्री मरच़ा, दंङ पेहषा इलजी तोह कि परमेश्वरे दोबि दोऊ पुराना पापो दोरच़ी माफ लेह चरच़तो।

प्रकाशित वाक्य 16:15

मांजी आत्माज़ि अधिकारी तिंङ ए दोतु सेना बि दुह ठहरि ठ्रोहका लहरिर अतिंङ इब्रानी भाषारिंङ हर मगिदोन ला कुट्री। दिऊ थल्जी प्रभु यीशु ज़ि कुहषी ततो, “दि गप्पा रेड्रुंई। गिऊ अपि चोर अपिमी ठ्रोह अचानक शोतो। धन्य तोह दुह मीह अंऊ गिऊ अपिमी मुक्का चेहके बंङज़तो, दंङ एनोह खमज़ेर तेयार तोहतो। दोहथर दोरे नंङटे माह शोर दंङ छिल्ला दोतिंङ शर्मिन्दा माह लोहतो चाहे दोरे धकते महस मीहतु बिचंङ ला योर।”

प्रकाशित वाक्य 2:9

गेह ञेंहच़ातग कि कनिंङ तंगी तोह दंङ काह गरीब तोतोन। पर आत्मिक रूपारिंङ काह महस साहुकार तोतोन। गेह दुह यहुदी मीहतु पाहठी ञेंच़ातग अंऊ दोच़ी दावा लहज़ातोर कि दोरे परमेश्वरो अंङषी मीहरे शुरे, पर तोतोर माह। दोरे कनु पाहठी मदम गप्पा कुट्रातोर, पर हेले रिंङ दोरे दुह झुंडो मीहरे शुरे अंऊ शेतानो तोह।

प्रकाशित वाक्य 3:16

गिह्बी पता तोह कि केई माह ता गिऊ टोईच़ी माह ए केनोह विशवासो दोरच़ी इंकार लहज़ातन दंङ माह ए गिह्बी भत्ते सेहमे दाह लहज़ातन, पर काह गिऊ थल्जी केनोह विशवास रिंङ अधा-अधूरा तोतोन, दिऊ थल्जी गेह कनिंङ छोड़ेक्च़िमी तोतोग।