प्रकाशित वाक्य 3:12 - लाहौली बाइबिल

¹² अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।

प्रकाशित वाक्य 3:12 Iomraidhean Croise

मरकुसो 12:16

दोच़ी हतिरेह, यीशुज़ि दोतंङ साते रुहक्ती, “दी छाप ए मिन अतु शुह?” दोच़ी जुबाब रेंहई, “महाराजा ओ।”

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

इफिसियों 3:15

दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इब्रानियों 12:22

पर केरे सिय्योन गोह कछंङ अंज़े तोतोंई, अंऊर स्वर्गीय यरूशलेम तोह, अंऊ श्रींङे परमेश्वरो शहर शुह, अंऊर लख स्वर्गदूता रे खुशी ऊ त्याहरो मनेक्च़ातेर।

इब्रानियों 13:14

छना कुचे दि संसारारंङ हेंदु हमेशा ओ थल्जी बंङज़िमी घरबार माह, पर हेनर दू स्वर्गो घरबारो खोजारिंङ तोतोंई, अंऊ हमेशा ओ थल्जी तोह।

1 यूहन्ना 4:4

हे प्यारे कटुरे, केरे परमेश्वरो शुई, दंङ केहच़ी दुह हप्साड़ भविष्यवक्तातु टोहकठे जय खोकशी केहतंई; छना कुचे पवित्र आत्माओ सामर्थ अंऊ केहतु अन्द्रेग तोह, दुह शेतानो सामर्थ बे मोह्ड़े तोह, अंऊ दि संसारारंङ तोह।

प्रकाशित वाक्य 14:1

दिऊ थल्जी गेह ऊई छा तंङरिगा, गेह सिय्योन गोह टोईच़ी कुरच़ा बि खड़े शुहबी तंङरिगा। दोरंङ साते इच्च़ा लाख निंज़ो पि हज़ार मीहरे तोईरे, दोतु फ्याहरिंङ कुरच़ो मिन ए दोऊ बाह ओ मिन च़ेहसी तोहई।

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 21:2

गेह पवित्र शहरा बि ला खंईगा, अंऊ कि खरकोई यरूशलेम तोह, दंङ स्वर्गो दोरच़ी धरतीऊ हखा योंखा अपि लेहकी तोह। दुह शहरा बि इच्च़ा ब्याहुत्री ठ्रोह तेयार लहसी तोहई, अपि खमज़ेर लेहसी तोहई दंङ श्रंगार लहसी तोहई दंङ अंऊ ब्याहू रंङ साते ब्याह लहज़िमी थल्जी तेयार तोह।

प्रकाशित वाक्य 22:4

दोरे परमेश्वरा बि एनोह सामटे खमोर, दंङ परमेश्वरो मिन दोतु फ्याह ओ टोईच़ी च़ेहसी शोतो।

प्रकाशित वाक्य 3:5

अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।