प्रकाशित वाक्य 22:5 - लाहौली बाइबिल

⁵ दोर्तिंङ यह्च़ा अपेहला रात माह शोतो, अंऊ मीहरे दोर्तिंङ बंङज़ातोर, दोतिंङ एनोह अमरिंङ छंङी ओ थल्जी छंङीऊ ज़रूरत माह शोतो। माह ए दोतिंङ छंङी रंड्रीमी थल्जी ऐकेऊ ज़रूरत तोह। छना कुचे परमेश्वर ए तोह अंऊ मीहतु थल्जी छंङी रंड्रा। दंङ दिरे मीहरे अंऊ दोर्तिंङ बंङज़ातोर दोरे हमेशा ओ थल्जी राज लोहरे।

प्रकाशित वाक्य 22:5 Iomraidhean Croise

मत्ती 19:28

यीशुज़ि दोतंङ साते कुहतो, “गेह केतंङ हेले कुट्रातग कि खरकोई संसारारंङ अपेहल गेह मीहू योह घेंङौ महिमो सिहासनंङ बंङज़ोग दंङ केरेला अरी गिऊ थले अंज़े तोहतोंई सनी सिहासनो टोईच़ी बंङज़ा सनी गोत्रातु इंसाफ लोहंई।

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मत्ती 25:46

दंङ दोरे अंऊ फुचंङ हासी तोतोर अनंत सज़ा खोक्पोर पर धर्मी मीहरे अनंत जीवनंङ योर।”

रोमियो 5:17

छना कुचे अपेहल इच्च़ा मीहू अपराधो वहज़ा ज़ि भत्ते मीहतु टोहकठे मौत अच़ा अति, दंङ अंऊ मीहरे मोह्ड़े दाह ए धर्मिकता ओ वरदान महसे खोकपोर, दू इच्च़ा मीहू दोरच़ी, मतलब यीशु मसीह रंङ साते हेले ए अनंत जीवन खोकपोर दंङ यीशु मसीह रंङ साते राज लोहर छना कुचे दोच़ी दोऊ टोहकठे विशवास लहज़ातोर।

2 तीमुथियुस 2:12

अगर हेनर दोऊ थल्जी दुख सहन लोहनि ता, दंङ हेनर दोरंङ साते रज्ज़ा ओ ठ्रोह राज ला लोहनि। अगर हेंज़ि कोंई कि ञेंहच़ी मसीह बि माह ञेंहनि दंङ दोई ला कोहतो कि हेनर दोऊ माह शुई।

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 18:23

दोऊ रात हंयार शोतो, देर तचेक कि इच्च़ा संजवो छंङी ला माह शोतो। दोर्तिंङ ब्याहू ए ब्याहुत्री खुशी ओ सग माह शोतो। दि झांह शोतो छना कुचे दोऊ व्यापारी ज़ि, अंऊ धरतीऊ टोईच़ी भत्ते बे मोह्ड़े तोईरे, एनोह जादू रें भत्ते देशा बि धोखा रेंईर।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 21:11

शहर परमेश्वरो दोरच़ी खोकसा दुह छंङी रें चमक्केपी लेहकी तोहई, दंङ दोऊ छंङी महस ए मंङे रह्घ मतलब यशब मिन्दु महस बेशकीमती रह्घो ठ्रोह चमकेपी लेहकी तोहई, दंङ अरशीहू ठ्रोह साफ तोहई।

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।