प्रकाशित वाक्य 22:4 - लाहौली बाइबिल

⁴ दोरे परमेश्वरा बि एनोह सामटे खमोर, दंङ परमेश्वरो मिन दोतु फ्याह ओ टोईच़ी च़ेहसी शोतो।

प्रकाशित वाक्य 22:4 Iomraidhean Croise

मत्ती 5:8

धन्य शुहरे दोरे, अतु सेहम शुद्ध तो, छना कुचे दोच़ी परमेश्वर बि खमोर।

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

1 कुरिन्थियों 13:12

दि जीवनारिंङ हेनर भत्ते धिर समझेगी मरच़ातंई। दि अंऊ आ चीज़ा बि भूधड़े ठ्रोह अर्शिरिंङ खंड्री ठ्रोह शुचि यवात। पर अंऊ मुक्का हेनर स्वर्गंङ यवातंई, दंङ हेनर भत्ते धिर रूठे रंङ समझेगी तरपोंई। छना कुचे हेनर परमेश्वरा बि सामटे खमोंई। एंतेग हेंदु ज्ञान अधूरा तोह। सिर्फ अंजा ध्याड़ा ए परमेश्वरा बि रूठे रंङ ञेंई तरपोंई,

इब्रानियों 12:14

भत्ते तंङ साते मेल मिलाप तंही, दंङ पवित्र जीवन श्रींङमी हर पाहठी कोशिश लोहवा लंहि। दू मेह अच़िला प्रभु बि अपेहल खंई माह रपोर।

प्रकाशित वाक्य 14:1

दिऊ थल्जी गेह ऊई छा तंङरिगा, गेह सिय्योन गोह टोईच़ी कुरच़ा बि खड़े शुहबी तंङरिगा। दोरंङ साते इच्च़ा लाख निंज़ो पि हज़ार मीहरे तोईरे, दोतु फ्याहरिंङ कुरच़ो मिन ए दोऊ बाह ओ मिन च़ेहसी तोहई।

प्रकाशित वाक्य 3:12

अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।

प्रकाशित वाक्य 7:3

“अपेहल तचेक हेनर हेंदु परमेश्वरो दासातु फ्याह ओ टोईच़ी मुहर लगाके माह केओनि, धोंण तचेक धरती ए समुंद्र दंङ बुटातिंङ नुकसान था लंहि, ताकि दोरे दुह मुसीबतो दोरच़ी दुखी शुहबी माह जूंस,