प्रकाशित वाक्य 22:3 - लाहौली बाइबिल

³ दुह शहरा रिंङ झांह ठ्रोह छल्ले माह तोहई अंऊ परमेश्वरो श्रापो अधीन तोह। दोर्तिंङ परमेश्वर ए कुरच़ो सिंहासन शोतो, दंङ परमेश्वरो सेवक दोऊ अराधना लोहर।

प्रकाशित वाक्य 22:3 Iomraidhean Croise

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 13:32

दंङ परमेश्वरे ला योहू महिमा लोहतो दंङ दोई युरनाह लोहतो।

यहून्नो 14:3

दंङ अगर गेह इलजे केहतु थल्जी ठहरि तेयार लोहग, दंङ यच़ाह अंज़े केतिंङ घेंङा रंङ साते रेंज़ा शोहग कि अंऊर गेह बंङज़ोग दोर्तिंङ केहरे ला बंङज़ुंई।

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

प्रकाशित वाक्य 7:10

दंङ मोह्ड़े सग रंङ साते हाऊष रें कुट्रा, “अतंई हेंज़ी हेंदु परमेश्वरो स्तुति लोहनि, अंऊ सिंहासनो टोईच़ी विराजमान तोह दंङ अतंई हेंज़ी दोऊ ला स्तुति लोहनि, अतिंङ कुरच़ा कुट्री छना कुचे दुह ए तोह अच़ि हेंदि हेंदु पापो न्यायो दोरच़ी बचाएकतो।”

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।