प्रकाशित वाक्य 22:19 - लाहौली बाइबिल

¹⁹ दंङ अगर केरे दि कताबो भविष्यवाणी ओ खबरो बिचंङ ज़ि छिल्ला हुंपातंई दंङ परमेश्वर केहतु दोरच़ी दुह आशीषर रैंज़ा शोतो अतु गप्पा दि कताबा रिंङ लहसी तोह। परमेश्वर जीवनो बुटो फला बि ज़ेइमी ए पवित्र शहरा रिंङ बंङज़िमी केहतु अधिकार ला रैंज़ा शोतो।

प्रकाशित वाक्य 22:19 Iomraidhean Croise

लूको 11:52

धिक्कार कानून ञेंहच़ातु टोईच़ी! छना कुचे केतिंङ स्वर्गंङ इबिमी अमो पता तोहई। पर केहरे केनाह ए दुह अमज़ि माह इलिन दंङ ऊई मीहतिंङ ला दुह अमज़ि इबि माह रेंईन।”

प्रकाशित वाक्य 1:3

परमेश्वर हर इच्च़ा दुह मीहबी आशीष रमतो अंऊ दि भविष्यवाणी बि ऊईतिंङ पढ़ाके सुनाएच़ा, दंङ दुह हर इच्च़ा दुह मीहबी आशीष रमतो अंऊ दिबी रेड्रा दंङ दिबी मनेक्च़ा। छना कुचे दि गप्पा युरनाह शोतो।

प्रकाशित वाक्य 11:2

पर धकतेखी ल्वाड़ी था पक्तु छना कुचे दुह ऊई जाति दोतिंङ रांहषी तोह, अंऊ दोरे परमेश्वरा बि माह ञेंच़ातोर, दोरे निंज़ो झुह्ट लाह तचेक गिऊ पवित्र शहर यरूशलेमारिंङ राज लोहर।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:26

अंऊ मीहच़ी जीत खोक्शातोर, दंङ अंऊ मीहरे संसारो अंत तचेक गिऊ हुकुमो भाषे लहज़ी जारी तहच़ातेर, गेह दोतिंङ देशो टोईच़ी राज लहज़िमी अधिकार रमोग।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 21:2

गेह पवित्र शहरा बि ला खंईगा, अंऊ कि खरकोई यरूशलेम तोह, दंङ स्वर्गो दोरच़ी धरतीऊ हखा योंखा अपि लेहकी तोह। दुह शहरा बि इच्च़ा ब्याहुत्री ठ्रोह तेयार लहसी तोहई, अपि खमज़ेर लेहसी तोहई दंङ श्रंगार लहसी तोहई दंङ अंऊ ब्याहू रंङ साते ब्याह लहज़िमी थल्जी तेयार तोह।

प्रकाशित वाक्य 21:5

दंङ अंऊ सिंहासनो टोईच़ी बंङज़ा तोहई, दोई कुई, “गेह भत्तेधिर खरकोई लेह केहऊगा।” दंङ यह्च़ा दोई कुई, “चेहई च़रतु, छना कुचे छि गेह कुट्रातग केई दोऊ टोईच़ी विशवास लेह तरपोन, दि गप्पारे ज़रूर पूरा शोर।”

प्रकाशित वाक्य 22:12

दोहथल प्रभु यीशु ज़ि कुई: “गेह युरनाह अपिमी तोतोग! दंङ छिल्ला मीहच़ी लहसी ततो, गेह दोतिंङ दोतु कम खंई ईनाम ए सज़ा रमोग।”

प्रकाशित वाक्य 22:2

दंङ दुह शहरो बह्चे सड़को बिचंङ ज़ि यवाते। बेंडी ओ हर इच्च़ा कुंणी रिंङ जीवन रंड्रा फल लेहकी तोहई अंऊ कि हर साल सनी फेरा फल रंड्रातेर, मतलब हर लाह रिंङ इच्च़ा फेरा फल रंड्रातेर। संसारो मीहरे दोतु लपतु इस्तेमाल एनोह बीमारी ओ टेहषी ओ थल्जी लहज़ातेर।

प्रकाशित वाक्य 22:7

“दंङ खंणु, गेह युरनाह अपिमी तोतोग; धन्य तोह दुह, अंऊ दि कताबंङ च़ेहसी भविष्यवाणी ओ गप्पा मनेक्च़ा।”

प्रकाशित वाक्य 3:12

अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।