प्रकाशित वाक्य 22:18 - लाहौली बाइबिल

¹⁸ गेह यूहन्ना हर दुह मीहबी चेतावनी रंड्रातग अंऊ दि कताबो भविष्यवाणी ओ गप्पा रेड्रा अंऊ हेंतेग शुहबी लेहकी तोह दंङ तुखा ला शोतो, अंऊ गेह दि कताबा रिंङ च़ेहसी तातग: अगर अच़िला दि खबरा रिंङ छिल्ला बणाएपोतो, दंङ परमेश्वर केहतु सज़ा बणाएपोतो। दुह केतिंङ दुह मुसीबते सच़ी च़रपोतो अतु गप्पा गेह दि कताबा रिंङ लहसी तातग।

प्रकाशित वाक्य 22:18 Iomraidhean Croise

मत्ती 15:13

दोई जुबाब रंदे कि, “दुह हर बुट अंऊ गिऊ स्वर्गीय पिता परमेश्वरे लगासी माह फोंह्षा योतो।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

1 थिस्सलुनीकियों 4:6

दंङ केरे केनातु फुको हिटी पूरा लहज़िमी थल्जी केनातु विशवासी न्वारे तंङ खिलाप पाप थालांई, दंङ माह ए दोऊ थल्जी छा चाल लंहि, छना कुचे प्रभु यीशु दोतिंङ सज़ा रमतो अंऊ झांह ठ्रोह कम लहज़ा तोर। छना कि ञेंहच़ी मुण्डारिंङ ए केतंङ साते कुहषी तातंई दंङ हिद ला लाहतंई।

प्रकाशित वाक्य 1:3

परमेश्वर हर इच्च़ा दुह मीहबी आशीष रमतो अंऊ दि भविष्यवाणी बि ऊईतिंङ पढ़ाके सुनाएच़ा, दंङ दुह हर इच्च़ा दुह मीहबी आशीष रमतो अंऊ दिबी रेड्रा दंङ दिबी मनेक्च़ा। छना कुचे दि गप्पा युरनाह शोतो।

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 15:6

दंङ निह्ज स्वर्गदूत अंऊ दोतिंङ थल मुखो निह्ज मुसीबत शिलज़ी तोहई, दुह मंदिरो धकतेखा हुंच़िर। दोरे चमकदार छंङसे खमज़ेर लहज़ा तोईरे दंङ दोतु काह ओ पिला हासी ज़ङों पट्टी ला तोहई। दंङ पि श्रींङी प्राणी तु बिचंङ इच्चे हर इच्च़ा स्वर्गदूता बि अंऊ परमेश्वरो तरफे हमेशा श्रींङे तोह, भयानक सज़ा ओ दोरच़ी पिंङषा इच्च़ा-इच्च़ा ज़ङों कोली रांई।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 22:10

दंङ दोई गेरंङ साते कुई, “दि कताबो भविष्यवाणी गप्पारे ञेंहच़िमी थल्जी मीहतिंङ रोकेक्तु था; छना कुचे दि चीज़ा तु पूरा शुहबिमी टेम पिचे अंजा।”

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 22:7

“दंङ खंणु, गेह युरनाह अपिमी तोतोग; धन्य तोह दुह, अंऊ दि कताबंङ च़ेहसी भविष्यवाणी ओ गप्पा मनेक्च़ा।”

प्रकाशित वाक्य 22:9

पर दोई गेरंङ साते कुई, “खंणु, झांह ठ्रोह थालोहू; छना कुचे गेह कांह ए कनु न्वा ओ भविष्यवक्तातु ए दि कताबो गप्पारे मनेक्च़िमी दोतु संगी दास शुगाह। परमेश्वरो ए अराधना लोह।”

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”