प्रकाशित वाक्य 22:17 - लाहौली बाइबिल

¹⁷ परमेश्वरो आत्मा ए ब्याहुत्री जबाब रेंई, “अता!” अरिला दि सग रेड्रा, दोबि ला कुट्री जूंशी तोह, “अता!” अरिला तिस्करे तोह, दुह देर अपतो। दुह ती तुंङरेंई अंऊ दोई जीवन रंड्रा, अंऊ कि दुह भत्ते तिंङ मुफ्ता रिंङ खोकसा अंऊ दिबी तुंङमी तातोर।

प्रकाशित वाक्य 22:17 Iomraidhean Croise

यहून्नो 1:37

दंङ दुह झुह्ट चेलारे दोऊ दी गप्पा रेड्रा यीशु थले शुहचे इलिरे

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

यहून्नो 4:11

मेच़िमी ज़ि दोरंङ साते कुंई, “कांह कछंङ ती पिंङड्रीमी थल्जी ता छले माह, दंङ कुंआ महस ढूहगे तोह: दंङ दुह जीवनो ती कांह कछंङ अंऊरच़ि अंजा?

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 4:29

अतंई, इच्च़ा मीह बि खंणुई, अरी भत्ते धिर अंऊ गेह लहतेग गिह्बी कंज़े च़रति। छि दीह ए ता मसीह माह शुह आ?

यहून्नो 7:37

तम्बू त्याहरो योहसिमी ध्याड़ा रिंङ, अंऊ मोह्ड़े ध्याड़ा शुहबी, यीशु ज़ि खड़े शुहचे मीहतु हखा हाऊष रेंई कुंई, “अगर अरीया तिस्कररिंङ तोह ता गिऊ कछंङ अतंई दंङ तुंङ।

रोमियो 3:24

पर परमेश्वरो मोह्ड़े दाह ओ दोरच़ी दोई हेंदिंङ यीशु मसीहू ज़ि हेंदु पापो सज़ाओ दोरच़ी छुड़ाके च़रति, दंङ हेंदु छा लहज़ी मेह परमेश्वरे घोषित लहज़ा कि हेनर धर्मी शुई।

1 कुरिन्थियों 2:12

हेनर ध्वांए ठ्रोह माह सोचेक्च़ातंई छना संसारो मीहरे सोचेक्च़ातोर; छना कुचे हेंज़ी दू आत्मा खोकसी तातंई, अंऊ परमेश्वरो तरफे तोह, कि हेनर दू गप्पा ञेंओनि, अंऊ परमेश्वरे हेंदिंङ रांहषी ततो।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 21:2

गेह पवित्र शहरा बि ला खंईगा, अंऊ कि खरकोई यरूशलेम तोह, दंङ स्वर्गो दोरच़ी धरतीऊ हखा योंखा अपि लेहकी तोह। दुह शहरा बि इच्च़ा ब्याहुत्री ठ्रोह तेयार लहसी तोहई, अपि खमज़ेर लेहसी तोहई दंङ श्रंगार लहसी तोहई दंङ अंऊ ब्याहू रंङ साते ब्याह लहज़िमी थल्जी तेयार तोह।

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 21:9

दोहथर दुह निह्ज स्वर्गदूता ज़ि, अंऊ दोच़ी मीहतु जातिऊ बिचंङ निह्ज थल मुक्को मुसीबता रंङ साते पिंङषी निह्ज कोली थोहरच़ते, दोतु बिचंङ ज़ि इदि गिऊ कछंङ अंज़े कुई, गिऊ हखा गप्पा लहरी, दोई कुई, “देर अता, गेह कनिंङ ब्याहुत्री मतलब कुरच़ो मेच़ा कमोग।”

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”