प्रकाशित वाक्य 22:16 - लाहौली बाइबिल

¹⁶ “गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 22:16 Iomraidhean Croise

मत्ती 1:1

दिह यीशु मसीहू बाह-मेमेतु मिन्दु पाहठी अंऊ रज्ज़ा दाऊदो खानदानो तोहई दंङ रज्ज़ा दाऊद अब्राहमो खानदानो तोहई।

मत्ती 2:2

“दुह गंङकटु अंऊर तोह अरी यहुदी तु रज्ज़ा बणेक्पिमी थल्जी ज़ेहका? छना कुचे ञेंहच़ी पूर्व दिशारिंङ दोऊ जेह्कपिमी पाहठी कंड्रा कर तंङातंई दंङ ञेंरे दोबि फ्यग लहज़ी अह्न्दंईं।”

मत्ती 22:42

“मसीहू पाहठी केहच़ी छि सोचेक्च़ातंई? दुह अतु योह शुह?” दोच़ी दोबि कुह्तोर, “रज्ज़ा दाऊदो।”

मत्ती 22:45

भला अगर दाऊदे ए दोबि प्रभु कुट्रा दंङ दुह दोऊ योह छना शुई?”

लूको 1:78

दीह ञेंहतु परमेश्वरो मोह्ड़े दाह रंङ साते शोतो; छना ऐके ञेंतिंङ छंङी रंड्रीमी थल्जी छंङी शवाह ध्वांए मसीह ला ञेंहतु कछंङ अपतो।

लूको 20:44

रज्ज़ा दाऊदे ताह दोबि प्रभु कुट्रा; दंङ दुह दोऊ योह छना शुई?”

रोमियो 15:12

दंङ यह्च़ा यशायाह भविष्यवक्ता ज़ि पवित्रशास्त्र रिंङ च़ेहसी ततो, यिशै ओ इच्च़ा जड़ प्रगट शोतो। दंङ ऊईजातितु हाकिम शुहबिमी थल्जी इच्च़ा अच़तो दोऊ टोईच़ी ऊईजाति उम्मीद लोहर। कि दोई दोतिंङ बचाएपोतो।

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

2 पतरस 1:19

दिऊ थल्जी हेनर भविष्यवक्तातु दोरच़ी च़ेहसी बचनो टोईच़ी ऊई ला महस विशवास लहज़ातंई। अगर केरे दि रूठे खबरो टोईच़ी ध्यान रमोंई, दंङ केहच़ी इच्च़ा रूठे कम लोहनि, छना कुचे दि इच्च़ा संजवा ओ ठ्रोह तोह अंऊ हंयार ठाहरीरिंङ चमकेक्पा, अपेहल तचेक कि ध्याड़ा माह शवात दंङ मसीहू छंङी केहतु सेहम रिंङ चमकेक्पा, छना ठ्रोह मुंजे कि करज़े संसारा रिंङ छंङी हपा।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 22:11

दंङ दिऊ थल्जी भत्ते मीहरे अंऊ मदम लहज़ातोर दोतिंङ ज़रूरी ए दोरे कम लेह रांई। दंङ अंऊ मीहरे मदम कम लहज़ातोर, दोतिंङ मदम कम लेह जूंशी तोह। झांह ठ्रोह अगर अरिया रूठे ए पवित्र कम लहज़ा, दोतिंङ दोतु रूठे ए पवित्र कम लेह रांई।

प्रकाशित वाक्य 22:20

यीशु ज़ि दि भत्ते गप्पो पाहठी गवाही रंड्रा, दंङ दोई कुट्रा, “वोई, गेह युरनाह अपिमी तोतोग।” गेह यूहन्ना ज़ि जबाब रेंईगा, अमीन! हे प्रभु यीशु अता!

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”

प्रकाशित वाक्य 3:13

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्माज़ि कलीसिया ओ हखा कुट्रा।

प्रकाशित वाक्य 3:22

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा।

प्रकाशित वाक्य 3:6

हर इच्च़ा अंऊ गिऊ खबर बि समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ कुट्रा।

प्रकाशित वाक्य 5:5

दिऊ टोहकठे दुह सेंहणा तु बिचंङ ज़ि इच्च़ा गेरंङ साते कुई, “था क्रप्तु; खंणु, यहूदा ओ गोत्रो दुह ब्राघ, अंऊ रज्ज़ा दाऊदो मोह्ड़े वंश तोह, दुह शेतानो टोईच़ी जयवंत शुहचे तोह कि दोई ए दि निह्ज़ी मुहर थक्पोतो। दुह ए दि कताब युप्च़िमी जोगे सामर्थी तोह।”