प्रकाशित वाक्य 22:15 - लाहौली बाइबिल

¹⁵ पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।

प्रकाशित वाक्य 22:15 Iomraidhean Croise

मत्ती 7:6

झांह ठ्रोह मीहतिंङ परमेश्वरो पाहठी था कंड्रुंई अच़ि दिह रेड्री माह जुंज़ातोर। अगर केहच़ी झांह ठ्रोह लहज़ातंई ता, दिह झांह तोह छना कि पवित्र चीज़र खुह्ई तु तुईज़ी छ़ंङज़ी या सुअरातु तुईज़ी मुतिकरे छ़ंङज़ी अंऊ दोच़ी कोंज़ो पोयंङ दाड़ेके चरच़ि दंङ फुचंरिंङ केहतु टोईच़ी हमला लोहर।

मत्ती 8:12

पर राज्यो कटुरे (यहुदी) धह्कते हंयारंङ केह च़रपोर: दोहर क्रपिए छ्वा रुहक्च़ी शोतो।”

यहून्नो 8:46

केहतु बिचंङ च़ि अरी गिऊ टोहकठे पाप लहज़िमी अरोप लगाएच़ा? दंङ अगर गेह हेले कुट्रातग, ता केहच़ी गिऊ टोहकठे विशवास माह लहज़ातन।

प्रेरित 8:11

दोई महसे ध्याड़ा बे दोतिंङ एनोह टंणा-मंणा ओ कमातु दोरच़ी हेरान लहसी तते, दिऊ थल्जी दोरे दोऊ महसे ध्यान तहज़ातेर।

फिलिपियों 3:2

दुह मीहतंङ साते खबरदार बंङज़ेंई, अंऊ खुह्ई तु ठ्रोह तोतोर, दंङ मांजी कम लहज़ा तोर, अंऊ दोच़ी कुट्रातोर कि केतिंङ उद्धार लहज़िमी थल्जी खतना लेह ज़रूरी तोह।

कुलुस्सियों 3:6

मीहच़ी दि मांजी कम लहज़ा तोर, झांह लेह परमेश्वर पक्‍का ए दोतिंङ खरे सज़ा रमतो।

1 तीमुथियुस 1:10

दंङ कुकम लहज़ा ए समलैंगिक, दंङ दुह मीहरे अंऊ मीहतिंङ रैंज़ा दोतिंङ गुलाम बणाके लंङे चरच़ातोर, दंङ हप्सी कुट्रा मीहरे, दंङ हप्सी कसम लहज़ा, दंङ दुह भत्ते तु थल्जी शुह, अंऊ सच्चा शिक्षाओ खिलाप तोतोर।

प्रकाशित वाक्य 18:23

दोऊ रात हंयार शोतो, देर तचेक कि इच्च़ा संजवो छंङी ला माह शोतो। दोर्तिंङ ब्याहू ए ब्याहुत्री खुशी ओ सग माह शोतो। दि झांह शोतो छना कुचे दोऊ व्यापारी ज़ि, अंऊ धरतीऊ टोईच़ी भत्ते बे मोह्ड़े तोईरे, एनोह जादू रें भत्ते देशा बि धोखा रेंईर।

प्रकाशित वाक्य 21:27

पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।