प्रकाशित वाक्य 22:11 - लाहौली बाइबिल

¹¹ दंङ दिऊ थल्जी भत्ते मीहरे अंऊ मदम लहज़ातोर दोतिंङ ज़रूरी ए दोरे कम लेह रांई। दंङ अंऊ मीहरे मदम कम लहज़ातोर, दोतिंङ मदम कम लेह जूंशी तोह। झांह ठ्रोह अगर अरिया रूठे ए पवित्र कम लहज़ा, दोतिंङ दोतु रूठे ए पवित्र कम लेह रांई।

प्रकाशित वाक्य 22:11 Iomraidhean Croise

मत्ती 15:14

दोतिंङ इबी रांई; दोरे हंञारो अम कंड्रारे शुहरे अगर इच्च़ा काणे अई काणे बि अम कंड्रीता झुल्ला दह्चे इबि।”

मत्ती 21:19

सड़को कछंङ इच्च़ा अंजीरो बुट खंड्रा दुह दोऊ कछंङ इलि, दंङ लप्तु सिवाए ऊहई छल्ले मखोकसिरंङ कुहतो, “दिऊ थलबे कनिंङ अपेहला फल लेहकी माजूंस।” दंङ अंजीर बुट दोहथर काहरचे इलि।

मत्ती 25:10

अपेहल दोरे च़ुमज़ि य्वातेर दंङ ब्याऊ पिचे इलि, दंङ अरी त्याहर तोईरे, दोरे दोरंङ साते ब्याऊ घरबारंङ अच्च़ा इलिरे दंङ पितंङ बन्द शुहचे इलि।

मत्ती 5:45

झांह लेह केहरे केनातु स्वर्गो बाह परमेश्वरो कटुरे शोंई छना कुचे परमेश्वरे रूठे ए मदम मीहतु थल्जी एनोह एके हुंपा दंङ धर्मी ए पापी मीहतु टोईच़ी संदा वरसाची।

मत्ती 5:6

धन्य शुहरे दोरे, अरी धार्मिकताऊ ज़िंदगीऊ हिटी तहच़ातेर। छना कुचे परमेश्वरे दोतु थल्जी पुरे लोहतो।

यहून्नो 8:21

यीशु ज़ि यच़ाह दोतु हखा कुंई, “गेह अच़ा योग दोऊ थल केहरे गिह्बी पेट्री अपोंई दंङ केहरे केनातु पापो माफी मेह ए सीए योंहन; अंऊर गेह य्वातग केहरे दोर्तिंङ अपि मरपोंई।”

इफिसियों 5:27

दू एनोह कलीसिया ओ थल्जी ला सिए इलि ताकि दू एनोह भत्ते मीहतिंङ सिद्ध बणाके तरपोतो दंङ हेंदिंङ एनोह हाज़िर रिंङ हपि तरपोतो, अतु दोर छा दोष या पाप या मदम गप्पा शुहबी मेस; पर दोरे पवित्र ए सिद्ध शुहबी जूंस।

कुलुस्सियों 1:22

पर परमेश्वरे हेंतेग एनोह योह बि मीह बणाके दंङ दोऊ क्रूसो टोहकठे सिमी दोरच़ी केहतु ला मेल लहच़ी च़रति ताकि केतिंङ एनोह तुईज़ी पवित्र ए निष्कलंक, दंङ निर्दोष लहज़ा हाज़िर लोहतो।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 16:21

दंङ सर्गो दोरच़ी मीहतु टोईच़ी मोह्ड़े-मोह्ड़े ओले दहरिर, अंऊर हर इच्च़ा ओला ओ वजन लगभग निंजो सा (50) किलोग्राम तोहई। दोच़ी परमेश्वरो निन्दा लहरिर छना कुचे दोतिंङ परमेश्वरो दोरच़ी चरच़ि मुसीबतो दोरच़ी महस दुख सहन लहज़ी लेहती।

प्रकाशित वाक्य 22:3

दुह शहरा रिंङ झांह ठ्रोह छल्ले माह तोहई अंऊ परमेश्वरो श्रापो अधीन तोह। दोर्तिंङ परमेश्वर ए कुरच़ो सिंहासन शोतो, दंङ परमेश्वरो सेवक दोऊ अराधना लोहर।