प्रकाशित वाक्य 22:1 - लाहौली बाइबिल

¹ दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 22:1 Iomraidhean Croise

यहून्नो 13:32

दंङ परमेश्वरे ला योहू महिमा लोहतो दंङ दोई युरनाह लोहतो।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

प्रेरित 2:33

परमेश्वरे यीशु बि भत्ते बे उथड़े ठहरि तचेक खेका लहरी। हेंतेग दुह भत्ते बे उथड़े ठहरि बंङज़ा तोह स्वर्गंङ परमेश्वरो सुचंङ गुहडो हासी। दोबि पवित्र आत्मा रांहषी ततो, दंङ दोई पवित्र आत्मा ञेंतिंङ रांहषी ततो छना कि केहरे तोग रेड्रातंई ए खंड्रातंई।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 21:11

शहर परमेश्वरो दोरच़ी खोकसा दुह छंङी रें चमक्केपी लेहकी तोहई, दंङ दोऊ छंङी महस ए मंङे रह्घ मतलब यशब मिन्दु महस बेशकीमती रह्घो ठ्रोह चमकेपी लेहकी तोहई, दंङ अरशीहू ठ्रोह साफ तोहई।

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 21:9

दोहथर दुह निह्ज स्वर्गदूता ज़ि, अंऊ दोच़ी मीहतु जातिऊ बिचंङ निह्ज थल मुक्को मुसीबता रंङ साते पिंङषी निह्ज कोली थोहरच़ते, दोतु बिचंङ ज़ि इदि गिऊ कछंङ अंज़े कुई, गिऊ हखा गप्पा लहरी, दोई कुई, “देर अता, गेह कनिंङ ब्याहुत्री मतलब कुरच़ो मेच़ा कमोग।”

प्रकाशित वाक्य 22:17

परमेश्वरो आत्मा ए ब्याहुत्री जबाब रेंई, “अता!” अरिला दि सग रेड्रा, दोबि ला कुट्री जूंशी तोह, “अता!” अरिला तिस्करे तोह, दुह देर अपतो। दुह ती तुंङरेंई अंऊ दोई जीवन रंड्रा, अंऊ कि दुह भत्ते तिंङ मुफ्ता रिंङ खोकसा अंऊ दिबी तुंङमी तातोर।

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।

प्रकाशित वाक्य 5:13

दोहथल गेह स्वर्गंङ, दंङ धरतीऊ टोईच़ी, दंङ धरतीऊ योंहने ज़ि, दंङ समुन्द्रङ भत्ते रचना लहसी चीज़, दंङ भत्ते धिर अंऊ दोऊ अन्द्रेग तोह, दि कुट्री रेड्रीगा, “अतंई हेंज़ी सिंहासनो टोईच़ी बंङज़ा कुरच़ो स्तुति, आदर ए महिमा लोहनि। हमेशा-हमेशा ओ थल्जी लोहनि, छना कुचे दुह भत्ते बे शक्तिशाली तोह।”

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”